The Definitive Guide to Living in the Capital , Cairo , Egypt

المسلسلات التليفزيونية السنة دي مميزة جدًا وبتناقش قضايا مختلفة، لكن التليفزيون مش هو مصدر البهجة الوحيد في رمضان 2021، لإن الراديو السنة دي متميز جدًا، وهيقدم لنا مجموعة نتوقع إنها رائعة من المسلسلات الإذاعية اللي بيقوم ببطولتها (صوتيًا) مجموعة من أهم نجوم مصر.

تعالوا نعرف إيه هي أهم المسلسلات الإذاعية السنة دي:

Big Million

لو كنت من واحد عشاق مسلسل “100 وش”، يبقا لازم تتابع المسلسل ده، لإن فكرته بتدور عن شاب وسيم من عائلة مرموقة، عمه بيشترط عليه الزواج، فبيوقعه حظه في فتاة بعيدة جدًا عن خياله، وكمان أبطاله هما الثنائي اللذيذ نيللي كريم وآسر ياسين.

المسلسل هيتذاع على راديو إنرجي، كل يوم الساعة 3:30 العصر، والإعادة الساعة 8:00 بالليل، وتاني يوم الساعة 1:15 الضهر.

نادي أند رويد

مسلسل كوميدي خفيف، بطولة النجم أحمد عز، واللي هنسمعه بيغني تتر المسلسل باللهجة الصعيدي، وبيشاركه البطولة نسرين طافش، سميحة أيوب، ونجوم كتير.

هيتذاع على إذاعة نجوم FM، كل يوم الساعة 4:30 العصر.

دايرة الشك

بطولة فريق واما الغنائي. هيتذاع على إذاعة نجوم FM كل يوم، الساعة 4:55 قبل الفطار.

رحلتي من الشك لبلطيم

مسلسل فانتازيا كوميدي، بيتكلم عن سنة أولى زواج، أحداثه بتدور سنة 2051. بطولة هنادي مهنا وأحمد خالد صالح.

هيتذاع على راديو إنرجي، كل يوم، الساعة 4:30 مساءً، والإعادة الساعة 7:00 مساءً، وتاني يوم الساعة 12:15 الضهر.

إحنا بتوع الأوزوريس

بطولة النجم أكرم حسني، والنجمة أيتن عامر. هيتذاع على راديو نجوم FM كل يوم، الساعة 5:15 قبل الفطار.

كل سنة وأنتم بكل خير يا أهل القاهرة!