The Definitive Guide to Living in the Capital , Cairo , Egypt

الصور من الصفحة الرسمية للمهرجان على فيسبوك.

لو كنت من عشاق الكوميكس، وبتدور عليها في كل مكان في مكتبات القاهرة، يبقى عندك فرصة حقيقية لحضور أهم فعالية مصرية بتهتم بالفن ده، وهي مهرجان القاهرة الدولي للقصص المصورة (كايرو كوميكس)، واللي هينطلق بشكل رسمي يوم الجمعة 5 نوفمبر في متحف محمود مختار بوسط القاهرة أمام دار الأوبرا المصرية وبجانب حديقة الحرية.

مهرجان (كايرو كوميكس) هيستمر لمدة 3 أيام، يعني هيكون يوم 5 و6 و7 نوفمبر الجاري.

أما عن مواعيد المهرجان فهي يوميًا من الساعة 12 الظهر ولحد الساعة 8 مساءً، على مدار الثلاثة أيام من الجمعة وحتى الأحد، وهيكون الدخول مجاني.

وبيهتم مهرجان (كايرو كوميكس)، بشكل خاص بتطوير الحركة المستقلة لفن القصص المصورة في مصر وعلى نطاق أوسع في الشرق الأوسط وشمال أفريقيا.

وبيعتبر (كايرو كوميكس) بمثابة احتفالية فنية بتجمع جمهور القراء برسامين وكتّاب الفن ده، سواء المحليين منهم أو العالميين فى لقاء مباشر، ده غير تقديم جوائز مختلفة للمبدعين في الفن ده، زي جائزة أفضل رواية مصورة عربية.

وفي السنين اللي فاتت، تنوعت الأعمال المشاركة في مهرجان القاهرة الدولي للقصص المصورة‏، وانقسمت ما بين قصص مصورة ومجلات دورية حديثة وقديمة، وأعمال مترجمة، إضافة إلى ملصقات تتعلق بأبرز شخصيات قصص الكوميكس، والتصميمات المستلهمة منها.

والهدف من المهرجان هو نشر فن القصص المصورة ابين القراء المصريين.