The Definitive Guide to Living in the Capital , Cairo , Egypt

فن وثقافة

دليلك لأفضل ستديوهات تعليم رقص في القاهرة

أماكن تعليم رقص في القاهرة استديوهات رقص في القاهرة تعليم زومبا تعليم صالصا رقص في القاهرة
دليلك لأفضل ستديوهات تعليم رقص في القاهرة
بواسطة
Cairo 360

بسنت محمد

على مدار سنين طويلة، الرقص الشرقي كان أول حاجه بتيجي على بالنا لما بنسمع كلمة “رقص”، دلوقتي الموضوع اتغير ودخلت أنواع جديدة من الرقص على ثقافتنا، وانتشرت ستديوهات تعليم الرقص في أماكن كتير، بصراحة الموضوع يستاهل، فرفشة وروقان وفوائد لنفسيتنا وجسمنا  ملهاش آخر، علشان كده وأكتر الرقص يستحق إننا نخصص له جزء من وقتنا.

ودي أجمد 5 ستديوهات هتعلمكم كل أنواع الرقص في القاهرة:

Cairo Contemporary Dance Center

أول مدرسة لتعليم الرقص المعاصر في مصر وعلى مستوى أفريقيا والعالم العربي، من أكتر الأماكن المضمونة في القاهرة، وأسعارها تعتبر مناسبة بالنسبة لباقي المدارس. مكانهم في المهندسين. تقدر تعرف جدولهم من هنا.

 

Brass Monkeys

استوديوهات Brass Monkeys في القاهرة الجديدة، بتقدم كورسات رقص تانجو وصالصا وفلكلور. عندهم فرع في التجمع. تقدر تعرف جدولهم الكامل على إنستجرام من هنا.

 

Samia Allouba Gym & Dance Center

لو بتدور على مكان محترف ومش فارق معاك الفلوس، ده أنسب مكان هتلاقي فيه مستوى جودة عالي، كمان بيعلموا رقص مش هتلاقيه في أماكن تانية كتير زي الرقص الهندي مثلًا. عندهم فرعين في المعادي وزايد. تقدر تعرف جدولهم من هنا.

 

Soulmotion Dance Studio

لو غاوي لاتيني، المكان ده من أفضل الأماكن اللي بتعلم “صالصا- باتشا كيزومبا”، ماتستغربش من الأسماء، هناك هتعرف كل التفاصيل من مدربين روحهم مشجعة طول الوقت. مكانهم في شارع جامعة الدول بالمهندسين. تقدر تعرف جدولهم من هنا.

 

Central.Studio.Eg

بيقدم دروس تعليم رقص باليه للأطفال والكبار، عندهم كمان حصص “أفرو دانس وهيب هوب وشرقي”. مناسب أكتر لسكان التجمع. تقدر تعرف جدولهم من هنا.

مقترح