The Definitive Guide to Living in the Capital , Cairo , Egypt

فن وثقافة

بطل الفيلم مريض جذام حقيقي… اختيار “يوم الدين” لتمثيل مصر في الأوسكار

cannes ابو بكر شوقي بعد الموقعة تأليف جذام فيلم فيلم يوم الدين كان مرض مصري مهرجان كان
بطل الفيلم مريض جذام حقيقي… اختيار “يوم الدين” لتمثيل مصر في الأوسكار
بواسطة
Cairo 360

“يوم الدين” تجربة سينمائية مهمة.. وتم اختياره رسميًا لتمثيل مصر في مسابقة أوسكار الـ 91، ضمن فئة أفضل فيلم غير ناطق بالإنجليزية، وده بعد حصوله على أعلى نسبة تصويت لأعضاء اللجنة المشكلة لاختيار الفيلم المصري، واللي بتضم 38 عضو من أبرز السينمائين والنقاد.

“يوم الدين”” إخراج أبوبكر شوقي، اللي بيقول: أخرجت من حوالي عشر سنين فيلم تسجيلي بعنوان “المستعمرة”، بيحكي عن مستعمرة الجذام في أبو زعبل، وهناك اتعرفت على راضي جمال، وهو مريض جذام حقيقي، واللي بالفعل استعنت بيه في بطولة فيلم “يوم الدين”.

بيضيف شوقي: الفيلم بيحكي حكاية مريض جذام قبطي اسمه بشاي، بيخرج من المستعمرة للمرة الأولى في حياته، وبيصاحب طفل يتيم في رحلة في مصر، علشان يلاقي عيلته اللي اتخلت عنه وهو صغير بسبب مرضه.

اللي بيميز “يوم الدين” أنه أول فيلم روائي بيحكي عن مرضى الجذام، والمشاكل اللي بيواجهوها في المجتمع. يعني بيلفت النظر لقضية إنسانية مهمة جدًا.

وهو أول عمل مصري بينضم للمسابقة الرسمية لمهرجان كان من 5 سنين. بعد فيلم “بعد الموقعة” ليسري نصر الله، اللي كان مشارك في 2013.

“يوم الدين” من تأليف وإنتاج وإخراج أبو بكر شوقي، إنتاج دينا إمام، منتج مشارك محمد حفظي، تصوير فيدريكو سيسكا، تصميم إنتاج لورا موس، بطولة راضي جمال وأحمد عبد الحافظ.

مقترح