مليون كتاب بأسعار بتبدأ من 5 جنيه.. تفاصيل معرض كتاب الدقي المخفض 2022
دور النشر في القاهرة فعاليات ثقافية في الدقي كتب بأسعار رخيصة معارض كتب في القاهرة معرض الدقي للكتاب معرض كتاب الدقي المخفض مكتبات القاهرةMohamed Talaat
عشاق الكتب، خصوصًا الناس اللي ملحقتش تروح معرض الكتاب، عندهم فرصة عظيمة لحضور واحد من أجمل معارض الكتب في القاهرة، وهو معرض كتاب الدقي المخفض، اللي أصبح له جمهور كبير في الفترة الأخيرة بسبب وجود عروض مميزة وكمية كبيرة من الكتب المتنوعة.
في الموضوع ده هنقول لكم على أهم المعلومات اللي ممكن تكونوا محتاجين تعرفوها عن معرض كتاب الدقي المخفض.
1 – معرض كتاب الدقي المخفض بتنظمه “ميكروفون” بالتعاون مع ٧٣ دار نشر مصرية.
2 – بيحتوي المعرض على حوالي مليون كتاب بأسعار تبدأ من 5 جنيه والخصومات بتوصل لـ 50%.
3 – بيتكوّن المعرض من ٩ أقسام هم :
– أحدث إصدارات دور النشر.
– الإصدارات الحديثة المخفضة.
– قسم الأطفال.
– الكتب المستعملة.
– كتب باللغة الإنجليزية.
– قسم المنتجات والمشغولات اليدوية.
– قسم تبادل الكتب.
– ركن الكتب المجانية و تبرعات القراء للقراء.
– ركن أدوات الخط العربي.
4 – بيقام المعرض Open Air في حديقة ڤيلا ميكروفون، وبيطبق الإجراءات الاحترازية.
5 – هيتضمن المعرض السنة دي كتير من الفعاليات الثقافية وحفلات التوقيع لنخبة من كتاب وأدباء مصر.
6 – المعرض بيقام في الفترة من ٢٤ فبراير وهيستمر لحد ٧ مارس 2022.
7 – مواعيد المعرض من ٩ صباحًا ولحد الساعة 10 مساءً.
8 – عنوان المعرض: ڤيلا ٢٨ شارع جابر بن حيان، متفرع من شارع الدقي، بالقرب من مطعم سمسمة، على بُعد خطوات من محطة مترو الدقي.