The Definitive Guide to Living in the Capital , Cairo , Egypt

فن وثقافة

مهرجان الشوكولاتة… حدث سنوي بطعم السعادة في الساقية

الزمالك الساقية الصاوي خروجات سيرك عروض محمد الصاوي مدارس مسرح الساقية للعرائس مصنع الشوكولاتة مهرجان الشوكولاتة
مهرجان الشوكولاتة… حدث سنوي بطعم السعادة في الساقية
بواسطة
Cairo 360

إيه اللي ممكن نعمله من الشوكولاتة؟ أكلات لذيذة؟ هدايا للناس اللي بنحبهم؟ بس هل ده كل شيء؟ بالتأكيد لا.. ساقية عبد المنعم الصاوي في الزمالك كان عندها فكرة مختلفة تمامًا للاستفادة من الشوكولاتة، عن طريق إقامة مهرجان مميز بيجمع كل عشاق الشوكولاتة من كل مكان.

مؤخرًا انطلقت فعاليات الدورة الـ 16 لمهرجان الشوكولاتة بساقية الصاوي، واللي بتحمل السنة دي عنوان “متحف الشوكولاتة”، وهتستمر الفعاليات لحد يوم ١ ديسمبر الجاي.

اليوم الأول للمهرجان حضره كتير من طلاب المدارس، واتكلم معاهم مؤسس الساقية محمد عبدالمنعم الصاوى وقال لهم إن الساقية بتستقبل مهرجان الشوكولاتة بعرض مسرحى جديد بيحمل اسم “متحف الشوكولاتة”، ودعاهم للاستمتاع بالعروض التى بدأت بفقرة السيرك والأكروبات.

بعدها شهدت الساقية عرض مسرحية “متحف الشوكولاتة” اللي أعدها فريق مسرح الساقية للعرائس، واللي بتدور فكرتها عن رحلة مدرسية للطلاب وعلى رأسهم الطالب “شوكو”.

بعد انتهاء العرض انتقل الطلاب لقاعة النهر علشان يقوموا بتصميم شخصية شوكو داخل إطار ورشة عمل فنية على أيد متخصصين ومدربين على التصميم والتشكيل بالصلصال.

أول مهرجان للشوكولاتة في مصر

مهرجان الشوكولاتة هو أول مهرجان فني للشوكولاتة بيقام فى مصر، ومن أوائل المهرجانات اللي بدأت فى الساقية، وجات فكرته من حوالي 16 سنة، لما اقترحت الفكرة بنت محمد عبد المنعم الصاوى، ومن وقتها والساقية بتحتفل بالمهرجان كل سنة.

تقدروا تعرفوا معلومات أكتر عن المهرجان من هنا.

مقترح