The Definitive Guide to Living in the Capital , Cairo , Egypt

فن وثقافة

مهرجان القرن في القاهرة: نجوم أغاني الثمانينيات راجعين من تاني

مهرجان القرن في القاهرة: نجوم أغاني الثمانينيات راجعين من تاني
بواسطة
Mohammed Sabry

مين فينا يقدر ينسى أغاني الثمانينيات والتسعينيات، اللي اتربينا وكبرنا عليها؟ ودايمًا لما نسمعها في أي وقت أو مكان، بنفتكر حلاوة وجمال أيام الفترة دي من تاريخ مصر.

لو نفسك تشوف نجوم الفترة دي من تاني، يبقى لازم تحضر “مهرجان نجوم الكاسيت”، أو “مهرجان القرن” اللي منظماه مؤسسة الأهرام الصحفية. وهيكون فيه أكتر من 20 نجم ونجمة من فترة الثمانينيات، وهيغنوا لكم أجمل أغانيهم.

المهرجان هيكون يوم 1 ديسمبر 2017، في استاد القاهرة الدولي. ومن النجوم اللي هيكونوا موجودين: أحمد جوهر –  علاء عبد الخالق – جواهر – حسام حسني – على حميدة – سيمون – محمد فؤاد – منى عبد الغني – حميد الشاعري. وغيرهم كتير. ومفاجأة المهرجان هتكون حضور الفنان أحمد عدوية. اللي هيقدم مجموعة من أشهر أغانيه.

وحسب موقع التحرير صرح منظم المهرجان وائل غنيمي، إن المهرجان هيبدأ في القاهرة. وبعد كده هينطلق لأكتر من دولة عربية، منها الإمارات والكويت. 

الحفلة هتبدأ الساعة 4:30 مساءً. وسعر التذكرة: 200 جنيه. تقدروا تحجزوا التذكرة، وتعرفوا تفاصيل أكتر من هنا.

مقترح