The Definitive Guide to Living in the Capital , Cairo , Egypt

فن وثقافة

بمشاركة أكتر من 80 فنان.. التفاصيل الكاملة لمهرجان القاهرة الدولي لموسيقى الجاز

Artvark Circle of four Drums United Groove Ensemble Gypsy Jazz project عزيز مرقة مهرجان القاهرة الدولي لموسيقى الجاز وسط البلد يسرا الهواري
بمشاركة أكتر من 80 فنان.. التفاصيل الكاملة لمهرجان القاهرة الدولي لموسيقى الجاز
بواسطة
Omar Abd-elmaqsoud

بحضور أكتر من 80 فنان، وبمشاركة فرق موسيقية من أكتر من 8 دول، هنتابع بكل شغف الدورة الـ 11 من مهرجان القاهرة الدولي لموسيقى الجاز اللي هيبقى خلال الشهر ده، وتحديدًا من 10 لـ 12 أكتوبر، وهيستضيفه مركز التحرير الثقافي في الجامعة الأمريكية في التحرير، وهيبقى تحت رعاية إدارة الجامعة ومركز التحرير الثقافي وقسم الفنون في كلية الدراسات الإنسانية والإجتماعية.

هيشارك في الدورة الحالية فنانين من مصر، هولندا، سويسرا، المجر، البرتغال، النمسا، لكسمبورج وإيطاليا، وكمان بمشاركة هي الأول من نوعها للفنان الأردني “عزيز مرقة” ثاني يوم في المهرجان، ومن مصر هتشارك الفنانة “يسرا الهواري” مع فرقتها في حفلة الختام.

أما من الفرق المشاركة فهيكون على رأسهم فريق “وسط البلد” اللي هيكون موجود في حفلة الافتتاح، ده إلى جانب الفريق الهولندي Artvark، اللي هيقدم عرض مشترك مع فريق Drums United، بالإضافة لعازف البيانو البرتغالي المعروف “ماريو لاجينيا” اللي هيقدم عرض مع فرقته الثلاثية يوم الجمعة 11 أكتوبر على مسرح قاعة إيوارت التذكارية.

ومن أبرز المشاركات في دورة السنة دي، هي مشاركات عدد كبير من فرق الجاز المصرية الجديدة زي مجموعة “Circle of four” بمشاركة مغنية الجاز المصرية “آمنه العبد” وكمان فريق ” Gypsy Jazz project” وفرقة “Groove Ensemble”.

على هامش المهرجان هيكون في عدد من الفعاليات وورش العمل وقعدات العزف المشترك وعروض لأفلام وثائقية وبرامج موسيقية للأطفال، ده غير معرض للصور الفوتوغرافية اللي بتوثق 10 سنين من عمر المهرجان من بداياته سنة 2009 لحد 2019.

كمان هتساهم مساحات عرض ثقافي وورك سبيسس كتيرة في القاهرة زي “كايرو جاز كلوب” و”رووم آرت سبيس” و”درب 1718″ و”NWT  المعادي” في استضافة وتقديم عروض إضافية من اللي هينظمها المهرجان وبالتعاون مع إدارة المهرجان.

مقترح