“وسط مش ناو”.. معرض فني لتعريف الناس بجمال وسط القاهرة
المصور أحمد حامد تصوير صور مش وسط ناو مصور معرض وسط القاهرة
Mohamed Talaat
وسط البلد منطقة من أجمل مناطق القاهرة، وعلشان كده قرر المصور الفوتوغرافي أحمد حامد إنه يقدم معرض فني يعرض من خلاله مجموعة من صوره الفوتوغرافية لمنطقة وسط القاهرة، واختار للمعرض اسم “معرض مش وسط ناو”، والاسم جاي من تريند “وسط ناو” اللي كان انتشر من فترة على السوشيال ميديا وبيظهر صورة سلبية لوسط العاصمة.
المعرض هيستضيفه جاليري فلك الموجود في جاردن سيتي، في الفترة من 13 أغسطس ولحد نهاية شهر سبتمبر 2020، وهيقدم المعرض صورة مميزة وجميلة بتظهر روح وسط البلد.
وبيقول أحمد حامد المصور بموقع أصوات مصرية سابقًا، والحاصل على أكتر من جائزة دولية في مجال التصوير، إن الصور بتعكس حالة البحث عن روح وسط القاهرة وبتحاول تظهر مشاهد اختفت من وسط البلد، وكمان أماكن بتحارب من أجل البقاء وعدم الاختفاء بفعل الزمن.
المعرض هيضم صور لم تنشر من قبل من داخل قصر شامبليون الشهير، ولقطات من أهم المباني والشوارع والممرات والناس في وسط القاهرة.
تقدروا تعرفوا أكتر عن المعرض من خلال زيارة صفحة الإيفينت من هنا.
نشوفكم في معرض “وسط مش ناو”.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
