“ونس الكتب”.. سلي صيامك وشارك في تحدي القراءة في رمضان
رمضان قراءة كورونا مبادرة ونس الكتب ونس الكتب
Mohamed Talaat
في ظل الظروف الراهنة اللي بيمر بيها العالم، واللي بتتمثل في انتشار فيروس “كورونا” المستجد في عالمنا، أصبحت القعدة في البيت هي أفضل الطرق للوقاية من الفيروس.. وفي أيام رمضان أكيد محتاجين حاجة تسلينا ونستفيد بيها في الشهر الكريم، علشان كده هنعرفكم في السطور الجاية على مبادرة “ونس الكتب” للقراءة.
مبادرة ونس الكتب هي عبارة عن تحدي للقراءة أونلاين، عن طريق مواقع التواصل الاجتماعي.
باسم الجنوبي، مسئول مبادرة ونس الكتب، قال لـ”كايرو 360″، إن القراءة حاليًا ضرورية علشان نتغلب على المشكلات النفسية والاجتماعية اللي ظهرت بشكل كبير مع تداعيات الحظر والإجراءات الاحترازية من فيروس “كورونا” المستجد، وأضاف أن “الونس بالكتب” بيعتبر طريق للتخلص من التوتر.
مبادرة ونس الكتب بتهدف لاستثمار أجواء الحظر في رمضان، من خلال تشجيع الناس على القراءة، وبتقدم تحدي للكتب مقابل جوائز لأفضل القراء، ومطلوب من كل القراء بعد ما ينتهوا من القراءة إنهم يعرضوا ملخص للكتب اللي اتقرت ويعلقوا عليها.
والتحدي في رمضان هيكون قراءة 5 كتب طوال الشهر من اختياركم، وتكتبوا عروض لها في صفحة المسابقة، وكمان هيكون فيه أمسيات ثقافية مع مجموعة من المؤلفين المصريين والعرب أونلاين.
وعلشان تعرفوا أكتر عن مبادرة ونس الكتب وتشاركوا معاهم، تقدروا تزوروا صفحتهم من هنا.
وتقدروا تتابعوا كل جديد عن طريق جروب تليجرام من هنا.
مقترح
تسوق
خلّي السعادة تكمل.. تشتري منين أحلى شوكولاتة في القاهرة؟
أفضل أنواع الشوكولاتة أماكن بيع شوكولاتةـ محلات شوكولاتة +3
الحياة في كايرو
