The Definitive Guide to Living in the Capital , Cairo , Egypt

سعيد محمود

الخيال العلمي عالم ساحر بيشد كتير من محبي القراءة، ومش بس كده، ده كمان ساهم في خروج اختراعات كتير للنور، وأكبر مثال على ده رواية “من الأرض إلى القمر” لكاتب الخيال العلمي الشهير “جول فيرن”، واللي سبقت رحلة “أبوللو 11” بقرن من الزمان ويمكن أكتر، وذكر فيها سنة 1865 تفاصيل رحلة رواد الفضاء للقمر في صاروخ، قبل انطلاق رحلة “نيل أرمسترونج” الشهيرة في 1969.

 

ومين ينسى سلسلة “ملف المستقبل” للكاتب الكبير الدكتور نبيل فاروق، ولا كتابات رؤوف وصفي الممتعة، ومن قبلهم نهاد شريف رائد أدب الخيال العلمي في مصر، ولأن حاليًا موجود ندرة في اللون ده من الأدب اللي بيفتح عقول القراء وينمي معرفتهم، قررت دار نشر شبابية في القاهرة، وهي “منشورات ويلز“، التخصص في نشر أدب الخيال العلمي في مصر بشكل مطبوع ورقمي.

“منشورات ويلز” نشرت بالفعل مجموعة من أفضل روايات الخيال العلمي العالمية المترجمة، وده نال استحسان كتير من القراء اللي بيدوروا على اللون ده من الأدب، منها رواية “جول فيرن”  الشهيرة “من الأرض إلى القمر”، و”أول بشر على القمر”، لقطب الخيال العلمي الثاني “هربرت ج. ويلز”.

الدار كمان تنوعت في أسماء كتاب الخيال العلمي عشان تقدم وجبة خيالية دسمة ومشبعة للقراء، فنشرت مجموعة متميزة جدا لـ “هاورد فاست”، و”ألكسندر بيليايف”، و”فيليب ك. ديك”، و”هاري بيتس”، و”جون و. كامبل”، ومن قبلهم مبدع شخصية “شيرلوك هولمز” الشهيرة للكاتب الاسكتلندي “آرثر كونان دويل”، وغيرهم من كتاب الخيال العلمي في العالم.

باختصار لو بتحب أدب الخيال العلمي أو حابب تبدأ تقرأ اللون ده من الأدب، فمنشورات ويلز هي مغارة علي بابا بالنسبة لك، كل اللي عليك إنك تدخل على تطبيق “أبجد” من “جوجل بلاي” أو “آب ستور”، وهتلاقي كل إصداراتهم عليه.

وممكن تزور صفحتهم الرسمية من هنا.