The Definitive Guide to Living in the Capital , Cairo , Egypt

القاهرة مليانة أنشطة فنية مهمة بتثبت إن العاصمة هي مدينة الفن والثقافة في بلدنا، ومن ضمن المهرجانات المهمة اللي بننصح الكل بحضورها “مهرجان الطبول والفنون التراثية”.. وفي السطور الجاية هنقول لكم شوية معلومات سريعة عن المهرجان ده.

في الفترة من 20 وحتى 27 أبريل الجاري هتنطلق الدورة السابعة للمهرجان الدولي للطبول والفنون التراثية، واللي بيقام السنة دي تحت شعار “الطبول من أجل السلام”.

والمهرجان تحت قيادة الفنان انتصار عبد الفتاح. 

وهتقام فعاليات المهرجان في القلعة، وبالتحديد في “مسرح بئر يوسف”، ومركز إبداع قبة الغوري، وشارع المعز، وساحة الهناجر بدار الأوبرا المصرية، وشوارع الكوربة في مصر الجديدة.

جهزوا نفسكم لمتعة ملهاش مثيل، واستنوا قريب الجدول الكامل لكل حفلات المهرجان.