20 ألف كتاب بسعر مخفض في معرض الدقي… فين عشاق الكتب؟
اقرأ الدقي للكتاب ثقافة دور نشر فيلا إبداع كتب رخيصة معارض القاهرة معارض كتب معرض الدقي معرض كتب مخفض
Mohamed Talaat
بمشاركة أكتر من 10 دور نشر هيبدأ يوم الخميس اللي جاي 1 نوفمبر معرض كتاب الدقي المخفض في دورته السابعة، واللي القائمين عليه أكدوا لكايرو 360 إنه هيكون مختلف تمامًا عن الـ6 دورات اللي فاتوا.
المعرض هيستمر لحد يوم 5 نوفمبر، ومواعيده هتكون يوميًا من 10 الصبح ولحد 10 مساءً.
المعرض المُخفّض السابع هيكون في فيلا إبداع بالدقي، وهيوفر 20 ألف كتاب بسعر مخفض عن طريق دور النشر المشاركة اللي هي “عصير الكتب – مكتبة مصر – زيرو وان – البشير – بوكابيكيا – مدارات – تكوين – بتانة – طيوف – عابر – بالعقل نبدأ – يسطرون”.
ومن خلال صفحة الإيفينت على الفيس بوك، هتقدر تطلب الكتاب اللي أنت محتاجه وهما هيوفروه لك خلال المعرض، وكمان هيتم توفير 10% خصم استثنائي للناس اللي هتكون جاية من بره القاهرة، علشان يساعدوا في مصاريف المواصلات.
كمان هيكون عندهم شغل هاند ميد ومنتجات معاد تصنيعها من خلال شراكة مع متخصصين في المجال ده.
المعرض هيقام فين؟
في فيلا إبداع: 28 شارع جابر بن حيان، متفرع من شارع الدقي.
حظ سعيد يا عشاق الكتب.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
