The Definitive Guide to Living in the Capital , Cairo , Egypt

فن وثقافة

5 آلاف قطعة أثرية هدية من الجامعة الأمريكية لمتحف الحضارة

auc الجامعة الأمريكية في القاهرة المتحف القومي للحضارة المصرية وزارة الآثار المصرية
5 آلاف قطعة أثرية هدية من الجامعة الأمريكية لمتحف الحضارة
بواسطة
Cairo 360

الصورة الرئيسية للفنان: بيشوي فايز.

الجامعة الأمريكية بالقاهرة أهدت 5 آلاف قطعة أثرية لوزارة الآثار علشان يتعرضوا في المتحف القومي للحضارة المصرية في الفسطاط، وهي قطع ضمت لوحات حجرية وأواني فخارية وزجاجية، وأجزاء من تماثيل وتوابيت ترجع للعصور الإسلامية والقبطية والفرعونية واليونانية والرومانية.

من ناحيته شكل المتحف القومي للحضارة المصرية في الفسطاط، لجنة من مديرى المخازن علشان يستلموا القطع ويصنفوها، كخطوة لتسجيلها وعرضها في أقرب وقت. 

طبعًا السؤال البديهي اللي هييجي في دماغ كل واحد فينا هوه ازاي الجامعة الأمريكية في القاهرة كان معاها 5 آلاف قطعة أثرية؟ ويعني إيه هتديهم هدية لوزارة الآثار؟ بص يا سيدي، وبصي يا ستي، الجامعة كانت بتمتلك القطع الأثرية دي من الستينيات، وده وفقًا لقانون القسمة المعمول به في مصر في الوقت ده.

طبعًا هنسأل “يعني إيه قانون القسمة؟”.. هنقول لكم، قانون القسمة ده كان قانون في الستينات بيسمح للبعثات الأجنبية اللي بتحفر وبتنقب عن الآثار في مصر بإنها تاخد 50% من نتائج الحفائر والتنقيب، والقطع الأثرية اللي أهدتها الجامعة الأمريكية لوزارة الآثار كانت من نتائج حفائر البعثة المصرية الأمريكية في منطقة الفسطاط، برئاسة عالم الآثار “جورج سكانلون”.

 

مقترح