The Definitive Guide to Living in the Capital , Cairo , Egypt

الصورة الرئيسية للفنان/ عصام عزوز

خلال أيام، وتحديدًا يوم 12 سبتمبر، هتمر علينا الذكرى الـ26 لرحيل الموسيقار المبدع بليغ حمدي (61 سنة)، وبالمناسبة دي، قررت دار الأوبرا المصرية برئاسة الدكتور مجدى صابر إنها تبدأ الموسم الفنى 2019 – 2020 بإنها تقدم حفلة غنائية موسيقية لفرقة عبد الحليم نويرة للموسيقى العربية، وبقيادة المايسترو صلاح غباشى إحياءً لذكرى وفاة الموسيقار بليغ حمدي.

الحفلة هتكون يوم الخميس 5 سبتمبر الساعة 8 على المسرح الكبير في دار الأوبرا، وهنسمع فيها مجموعة من أهم أعمال الموسيقار الراحل منها على الربابة، احضنوا الأيام، طاير يا هوا، سلامات يا حبايب، ليلة، في وسط الطريق، الطير المسافر، ليالينا، عاشقة وغلبانة، موعود، كان ياما كان، خسارة، خايف مرة احب، فات الميعاد ولحن حاول تفتكرنى، وهتكون بأداء مجموعة كبيرة ومتميزة من الأصوات، والعازفين.

بليغ حمدي من موليد 7 أكتوبر 1931 وفي سن 9 سنين كان وصل لدرجة الإتقان في عزف العود، وكان ده سبب في إنه يدخل معهد الموسيقى العربية، وشجعه على إنه يبدأ حياته الفنية كمغنى، وسجل أيامها 4 أغاني للاذاعة المصرية، لكن شهرته في التلحين كانت أكبر، وخاصةً بعد ما لحن أول لحن ليه في حياته لأغنية “تخونوه” لعبد الحليم حافظ سنة  1957.

“تخونوه” كانت سبب في إننا نشوف بعد كده تعاون ما بين بليغ وأشهر المطربين المصريين والعرب زي أم كلثوم، ووردة، وفايزة أحمد، وشادية، ونجاة، وصباح، وميادة الحناوى، وعزيزة جلال، وعلى الحجار، وهانى شاكر، ومحمد رشدى، وسميرة سعيد ولطيفة، ونتج عنها بعد كده أعظم الأعمال الفنية في تاريخ الغناء العربي.