The Definitive Guide to Living in the Capital , Cairo , Egypt

كافيهات

5 كافيهات في القاهرة لقعدة رايقة وأمان لكل البنات

كافيهات كافيهات بناتي في القاهرة كافيهات في القاهرة كافيهات مناسبة للبنات
5 كافيهات في القاهرة لقعدة رايقة وأمان لكل البنات
بواسطة
Cairo 360

رنا شرف

من حق كل بنت تخرج وتنبسط في مكان آمن من غير ما حد يضايقها. وكل البنات بتحب تخرج وتروح كافيهات علشان تفصل من تعب الشغل أو المذاكرة، وطبعًا بنفكر قبل الخروجة في مكان نكون فيه براحتنا كبنات، وفي نفس الوقت يكون مكان أمان بدرجة كبيرة.

في الموضوع ده هنعرفكم على 5 أماكن مناسبين للجميع بشكل عام، وللبنات بشكل خاص.

الأمريكين

الأمريكين في وسط البلد مكان حلو وراقي جدًا وأسعاره حلوة، والقعدة هناك مناسبة جدًا للبنات، وكمان لحد بيذاكر أو بيقرأ كتاب، والمكان مش زحمة، وعلى طول القعدة فيه حلوة ورايقة ومساحة الأمان عالية فيه.

 

الفيلا في جاردن سيتي

من الأماكن الحلوة والمناسبة جدًا للبنات برضه، ولو بتحبي التصوير هتبقى خروجة جميلة وهتتصوري في جو كلاسيكي لأن الديكور كله كلاسيك ومميز جدًا، والأسعار معقولة.

الفيلا في 2 شارع عائشة التيمورية بجارن سيتي.

كافيه كوستا وسط البلد

من الأماكن الحلوة والمشهورة جدًا في القاهرة، وكلنا أو معظمنا جربها، وكوستا معروف بفروعه الكتير، ومنهم فرع وسط البلد اللي بنحسه مميز وأسعاره مناسبة.

كوستا موجود في 47 شارع الفلكي مع تقاطع شارع محمد محمود.

 

جراند كافيه المعادي

من الأماكن الحلوة اللي بتتميز بالفيو الحلو على النيل، وهو مكان حلو ومناسب جدًا للبنات وأسعاره معقولة، كمان هناك الخدمة سريعة.

الكافيه موجود على كورنيش النيل في المعادي أمام الشرطة العسكرية.

 

سيلينترو كافيه

مكان مشهور جدًا في القاهرة، وهناك ممكن تقعدي قعدة حلوة ورايقة ومن غير خوف، وكمان له فروع كتير جدًا، بس إحنا حبينا أكتر فرع  الزمالك في 157 شارع 26 يوليو.

 

يا ترى إيه أكتر مكان بتحبيه في القاهرة؟

مقترح