أهم 6 كتب طبخ في مكتبات القاهرة
أفضل كتب الطبخ أنا حلبي إجادة فن الطبخ الفرنسي اطبخ مع جيمي كتب طبخ كتب مطبخ مكتبات القاهرة من مطبخ آسيا
Cairo 360
ناس كتير بتحلم تتعلم الطبخ، وتفهم عالم الأكل بشكل علمي.. علشان كده قررنا نكلمكم عن أهم 6 كتب طبخ موجودين في مكتبات القاهرة.
منهم كتب باللغة العربية، وكتب تانية للناس اللي بتحب تقرأ باللغة الإنجليزية.
كتاب أبلة نظيرة
يمكن مش كل الناس تعرف أن أبلة نظيرة اللي ظهر اسمها كتير في مسرحية سمير غانم وشيرين “المتزوجون” شخصية حقيقية وليها كتاب مميز جدًا بيعتبر رائد في المطبخ المصري.. وهو كتاب أصول الطهي.
اسمها بالكامل “نظيرة نقولا” لكنها مشهورة بـ”أبلة نظيرة”، وكتبت الكتاب المهم ده بعد دراستها للطهي في إنجلترا.
الكتاب مليان بوصفات أهم وأشهر الأكلات المصرية.
فن الفطيرة
كتاب “Art of the Pie” بيعتبر دليل رائع بيعلمنا إزاي نصنع عجينة الفطائر ونحشيها بحشوات مختلفة، الكتاب من تأليف “كيت ماكديرموت”. ودي خبيرة في صنع الفطائر.
الكتاب متاح للبيع في مكتبات القاهرة.
إجادة فن الطبخ الفرنسي
كتاب جميل اسمه “Mastering The Art Of French Cooking” من تأليف “جوليا تشايلد”، فيه كل اللي محتاج تعرفه عن المطبخ الفرنسي، الكتاب بيعتبر حاليًا أهم مرجع لكل اللي نفسه يتعلم الطبخ، وهو متوفر باللغة الإنجليزية.
اطبخ مع جيمي
كتاب “Cook With Jamie” بنعتبره مهم من تأليف “جيمي أوليفر”، وهتلاقي فيه أهم القواعد الأساسية للطبخ. من أول إزاي تشتري مكونات الأكلات بطريقة سليمة لحد استخدامها في الأكل علشان تخرج بنتيجة مهمة.
كتاب مهم جدًا الحقيقة.. ومتاح للبيع في أغلب مكتبات القاهرة.
من مطبخ آسيا
هو الكتاب اسمه كده، علشان مؤلفته اسمها “آسيا عثمان”، يعني الكتاب مالهوش علاقة بالأكلات الآسيوية خالص، هتلاقوا فيه وصفات جميلة وسهلة وبسيطة ده غير أن الكتاب مليان بالصور المميزة.
الكتاب مليان وصفهات عربية أصيلة.. وبيعتبر كنز لكل اللي بيدور على كتاب مهم باللغة العربية.
أنا حلبي
وهو فيه زي الأكل السوري الجميل؟ كتاب أنا حلبي للشيف “محمد أورفه لي” بيقدم لنا أجمل الأكلات الشامية، الكتاب كمان فيه معلومات مهمة عن حلب ومطبخها وأحلى وأشهر أكلاتها.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
