The Definitive Guide to Living in the Capital , Cairo , Egypt

خبر مهم لكل اللي نفسهم يتشروا كتب مهمة ومميزة بسعر رخيص جدًا! مؤخرًا الهيئة المصرية للكتاب، أعلنت بشكل رسمي عن توفير مجموعة من الكتب من إصدارات مكتبة الأسرة في الدورة الـ51 لمعرض القاهرة الدولي للكتاب، واللي هتبدأ يوم 22 يناير وهتستمر لغاية 4 فبراير بمركز المعارض الدولية في التجمع الخامس.

لكن إيه هي أهم الكتب المميزة اللي هتلاقوها من إصدارات مكتبة الأسرة بسعر رخيص في المعرض السنة دي؟

شوفي يا ستي، شوف يا سيدي، هيكون متاح في فرع الهيئة في المعرض كتب مهمة جدًا، منها رسالة الغفران لأبي العلاء المعري، والنص المحقق من رسالة ابن القارح تحقيق وشرح الدكتورة عائشة عبد الرحمن “بنت الشاطئ”.

هتلاقوا كمان كتاب جورج أورويل “عالم تسكنه الحيوانات”، وهو من ترجمة دكتور شامل أباظة، وكتاب “أنا نصر أبو زيد” للكاتب جمال عمر، وكتاب “في الفلسفة الإسلامية منهج وتطبيقه” الجزء الأول وهو تأليف دكتور إبراهيم مدكور.

كمان هيبقى متوافر في المعرض كتاب “المسيح يصلب من جديد” لنيكولاس كازانتزاكيس، من ترجمة شوقي جلال، وكتاب “صوت الإمام”، من تأليف “أحمد زايد”، وكتاب “القانون الدستور، النظرية العامة وأسس النظام الدستورى المصري” للدكتور محمد إبراهيم درويش والدكتور إبراهيم محمد درويش.