The Definitive Guide to Living in the Capital , Cairo , Egypt

كتب

“الفراعنة المحاربون”.. حكايات أعظم ملوك مصر القديمة في كتاب جديد

آثار الدكتور حسين عبد البصير الفراعنة المحاربون: دبلوماسيون وعسكريون القدماء المصريين ثقافة كتاب جديد مكتبة الإسكندرية
“الفراعنة المحاربون”.. حكايات أعظم ملوك مصر القديمة في كتاب جديد
بواسطة
Mohamed Talaat

الصورة الرئيسية لتمثال رمسيس الثاني بمعبد الأقصر.. تصوير: محمد موسى

لو كنتم من عشاق تاريخ مصر القديم، يبقى مهم يكون في مكتبتكم كتاب “الفراعنة المحاربون: دبلوماسيون وعسكريون”، واللي صدر مؤخرًا عن مكتبة الإسكندرية، وهو من تأليف الدكتور حسين عبد البصير، مدير متحف الآثار، والمشرف على مركز الدكتور زاهي حواس للمصريات التابعين للمكتبة.

الكتاب بيضم حكايات أهم وأشهر ملوك مصر القديمة، من رؤوس وقادة المؤسسة العسكرية المصرية، وبيوضح آداء ملوك مصر القديمة للحفاظ على أرض مصر، والدفاع عن حدودها، وزيادة رقعتها الجغرافية لحد ما أصبحت إمبراطورية مترامية الأطراف.

وبيوضح الكتاب الأدوار اللي أداها ملوك مصر القديمة في أهم فترات التاريخ المصري القديم، وبيتناول الكتاب بالتفاصيل أعمال وبطولات وإنجازات ملوك مصر القديمة من المحاربين العظام زي تحتمس الأول، وتحتمس الثالث، وسيتي الأول، ورمسيس الثاني، ورمسيس الثالث، وغيرهم.

مقدمة الكتاب للمفكر السياسي الكبير الدكتور مصطفى الفقي مدير مكتبة الإسكندرية، واللي أكد إن الكتاب بيأتي ضمن سلسلة “اعرف حضارتك” اللي بيصدرها متحف الآثار بمكتبة الإسكندرية، واللي بتهدف لتعريف الأجيال الجديدة، خصوصًا الأطفال والشباب، بتاريخ مصر وحضارتها العظيمة.

الكتاب بيتميز بالأسلوب البسيط والسهل، وده بيخليه مناسب لكل الشباب المهتمين بالحضارة المصرية القديمة.

مقترح