خيالي علمي وتكنولوجيا وأدب.. 5 كتب بيرشحهم “بيل جيتس” للقراءة في الإجازات
ترشيحات بيل جيتس في الثقافة قائمة بيل جيتس السنوية للكتب كتب كتب بيرشحها بيل جيتس كتب تستحق القراءة
Mohamed Talaat
أعلن مؤسس شركة “مايكروسوفت” بيل جيتس عن قائمة كتب مميزة بينصح بقراءتها في الإجازات. الكتب دي بتغطي مواضيع متنوعة زي الخيال العلمي والتكنولوجيا والأدب.
تعالوا نتعرف على ترشيحات “جيتس” لخمس كتب يستحقوا القراءة.
“كلارا والشمس” للكاتب كازو إيشيجورو
بتحكي قصة “كلارا والشمس” (Klara and the Sun) عن روبوت بيشتغل بالطاقة الشمسية اسمه كلارا، وهو رفيق طفل مصاب بمرض خطير في الولايات المتحدة في المستقبل.
“مشروع السلام عليك يا مريم” للكاتب أندي وير
بتدور أحداث رواية “مشروع السلام عليك يا مريم” (Project Hail Mary) عن أستاذ مدرسة ثانوية بيصحى في يوم وبيلاقي نفسه داخل مركبة فضائية غامضة من غير ما يعرف إزاي وصل للمكان ده.
“ألف عقل: نظرية جديدة للذكاء” للكاتب جيف هوكينز
في عام 1996 اخترع جيف هوكينز المساعد الرقمي “بالم بيلوت”. في الكتاب ده بيشرح “هوكينز” إزاي بيفكر الناس في طبيعة الذكاء، وطريقة عمل الدماغ البشري، وإزاي نقدر نطور ذكاء صناعي حقيقي.
“كاسرة الشيفرة” للكاتب والتر إيزاكسون
بيرشح لكم “جيتس” كمان قراءة “كاسرة الشيفرة: جينيفر دودنا، تحرير الجينات، ومستقبل الجنس البشري” (The Code Breaker: Jennifer Doudna, Gene Editing, and the Future of the Human Race) للكاتب والتر إيزاكسون، وهو عبارة عن سيرة ذاتية لعالمة الكيمياء الحيوية جينيفر دودنا الحاصلة على جائزة نوبل في الكيمياء لعام 2020 عن عملها في تحرير الجينات باستخدام تقنية كريسبر، وهو نظام بيتم فيه قطع الحمض النووي وتعديل الجينات لعلاج الأمراض.
“هامنت” للكاتبة ماجي أوفاريل
“هامنت” (Hamnet) هي رواية لماجي أوفاريل وهو نفس الاسم اللي أطلقه وليام شكسبير على ابنه الوحيد، وتوفي هامنت في عام 1596 عن عمر 11 سنة لأسباب غير معروفة، وبيرجّح البعض أنه توفي بسبب الطاعون. وبعد 3 سنين، بدأ شكسبير في كتابة “هاملت”، وبتغوص “أوفاريل” في الطرق المحتملة اللي أثر بيها الحدث المأساوي ده على حياة شكسبير.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
