The Definitive Guide to Living in the Capital , Cairo , Egypt

“ساق البامبو”.. رواية للكاتب الكويتى سعود السنعوسى، وهى الرواية الفائزة بجائزة البوكر لهذا العام.

تناقش ساق البامبو أسئلة عديدة وجريئة فى نفس الوقت ممكن ما يكونش حد طرحها قبل كده خصوصًا فى المجتمع الخليجى اللى الكاتب ينتمى له، فهـ نلاقى الرواية بـ تطرح تساؤلات حول الهوية والوجود والدين وبـ تطرح كمان الصراع الاجتماعى ورؤية الآخر بشكل إنسانى بعيدًا عن الفكر والديانة، والأفكار دى بالطبع كانت جديدة على المجتمع العربى خاصة فى الوقت اللى بـ يخضع فيه لتغيرات فكرية بعد ثورات الربيع العربى.

يجسد بطل الرواية الصراع ده بشخصيته المنقسمة إلى الكويتى المسلم اللى بـ ينتمى لعائلة ثرية والنصف الثانى كمسيحى فلبينى ينتمى لخادمة فلبينية.

وبـ تحكى الرواية عن (جوزفين) الفتاة الفلبينية اللى بـ تترك الفلبين للعمل كخادمة فى الكويت، وتعلق عائلتها عليها أمال كبيرة علشان توفر لهم حياة كريمة بعد ما عانوه من فقر، وبالفعل تعمل جوزفين عند أسرة كويتية تتكون من الأم غنيمة والأب عيسى والابن الوحيد راشد المدلل عند أمه وأبيه، وبعد فترة بسيطة يقع راشد فى حب جوزفين اللى بـ تبادله نفس الشعور وبـ يتفقوا على الزواج بس بـ يشترط راشد أن الزواج يكون فى السر وبعد فترة تحمل جوزفين ولكن راشد يتخلى عنها وعن ابنه اللى ما تجاوزش الشهرين من عمره ويرسلهم إلى الفلبين. ويعيش الطفل فى بلد أمه حياة صعبة مليئة بالفقر والمعاناة ويحلم بالعودة إلى بلد والده.

وبعد أن ينضج عيسى بـ يرجع من الفلبين لبلد والده الكويت وهو متخيل بلد والده فى صورة مختلفة تمامًا عن اللى شعر به بعد الرجوع، فمن البداية يصطدم بالأفكار العربية المتعصبة واللى لا تسطيع قبول فكرة زواج العربى من فلبينية غربية، والأكثر من كده رفض الذرية الناتجة عن الزواج ده، فى حين أن حكايات أمه له عن بلد أبيه كانت تصور له أن بلد أبيه مثالى.

ومن هنا بـ يبدأ الصراع الحقيقى فى الرواية من أول ما بـ ترفض عائلة والده الاعتراف به جدته وعماته وأخته من أبيه (خولة) ويضيع حلمه فى الانتماء والعائلة، أما أصدقائه اللى تعرف عليهم فى الكويت ما تجاهلوهوش ولكنهم انشغلوا عنه بمشاغلهم وحياتهم الخاصة، وبكده يكون عيسى فقد نصفه المسلم، فـ قرر العودة إلى بلد أمه ونصفه المسيحى ويبنى هناك حياته مع ابنة خالته ميرلا اللى كان متعلق بها قبل ما يروح الكويت.

وكمان فى “ساق البامبو” يعالج سعود السنعوسى قضية العمالة الأجنبية فى سياق درامى مشوق جدًا.