“سكتك خضرا”.. كتاب جديد عن أهمية “البسكلتة” في حياتنا
البسكلتة الدراجات الكاتب محمد سامي جوبايك سكتك خضرا كتب كتب عن العجل مكتبات القاهرة
Cairo 360
نفسك تشتري عجلة “دراجة” جديدة تستخدمها في انتقالاتك داخل القاهرة؟ مش عارف إزاي تختار عجلة مناسبة؟ طب عندك فكرة إيه هي أهمية العجل لصحتك ونفسيتك؟ هتلاقي إجابات الأسئلة دي وإجابات أسئلة أكتر في أحدث كتاب مصري عن العجل هيصدر خلال أيام وهو كتاب “سكتك خضرا” للكاتب محمد سامي.
الكتاب هيصدر في معرض القاهرة الدولي للكتاب 2020 عن دار الهالة للنشر والتوزيع.
بيتناول الكتاب فوائد ركوب العجلة، خصوصًا للبنات، وكيفية اختيار العجلة المناسبة للأوزان الثقيلة، وكمان بيوضح طرق اختيار كرسي العجلة المناسب، وبيستعرض ثقافة العجل حول العالم، وبيشرح لنا الكاتب إيه هو “مؤشر كوبنهاجن” الخاص بالعجل.
كمان بيتكلم الكتاب عن أنواع العجل المختلفة، وكيفية اختيار العجلة المناسبة، وأهم الإكسسوارات الخاصة بالعجل، وإيه هي إرشادات الأمن والسلامة لركوب العجل.
جدير بالذكر أن الكاتب محمد سامي اتخرج في كلية الهندسة جامعة عين شمس، وحاصل على ماجستير إدارة الأعمال، وهو مؤسس فريق جوبايك الهادف لنشر ثقافة العجل في مصر، ومدير مشروع سكتك خضرا، كمان هو باحث في التنقل الحضري المستدام.
وتم اختيار مبادرة محمد سامي ضمن أفضل المبادرات البيئية الخضراء بمنطقة البحر المتوسط بمؤتمر (SWITCH-MED) ببرشلونة.
الكتاب هيكون معروض في جناح دار الهالة بصالة 1 بمركز مصر للمعارض والمؤتمرات بالتجمع الخامس.
شكرًا لكل الناس اللي بتقدم كتب مهمة وحلوة لمكتبات القاهرة.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
