The Definitive Guide to Living in the Capital , Cairo , Egypt

مكتبات القاهرة فيها كتب كتير بتشجع الناس على السفر داخل مصر وزيارة أجمل الأماكن السياحية اللي بتيجي ناس من العالم كله علشان تزورها بينما كتير من المصريين مش مهتمين بيها، ومن الكتب المميزة في مكتبات القاهرة، كتاب “رحل المحروسة” للكاتب وعاشق قيادة الدراجات المصري عمرو سليم، واللي بنعتبره كتاب سياحي مختلف جدًا ويستحق نتكلم عنه.. ليه؟ تعالوا نعرف.

عمرو سليم هو رحالة مصري بيعشق قيادة الدراجات (العجل)، وفي السنوات الأخيرة لف شوارع وطرق مصر بدراجته، وزار معالم مصر الجميلة، وسافر بالعجلة مدن وقرى، وراح أغلب المناطق الأثرية والسياحية.

وفي كتابه الأحدث “رَحَّال المحروسة” الصادر عن دار عابر الثقافية، بيوثق عمرو سليم جولاته بالدراجة وبيحكي للناس عن أماكن مصر الجميلة وفي نفس الوقت بيكلمهم عن متعة التحرك بالعجل.

وبيقول عمرو سليم عن الكتاب: “تصحبكم دراجتي لزيارة أهم المزارات السياحية سواء إسلامية أو فرعونية والمحببة للنفوس، نتطرق إلى كل ما هو غريب ونروي قصص أماكن مغمورة لا نعرف عنها الكثير، وربما ننتقل للترقي من مكان إلى آخر بالتعرف على ثقافات وعادات مختلفة، فالبحث عن السعادة في الترحال”.

وبيكمل الكاتب: “الحياة ما هي إلا رحلة قصيرة فكن مكتشفًا لجمال الوجود وإظهاره، فنحن نريكم جمال بلدنا بعيوننا، سوف نزور معًا أهم المساجد والمتاحف ونذهب سويًا لنتعرف علي حياة الفلاح المصري وكيف يقضي يومه، سيصطحبنا النيل في رحلة للتعرف على أسرار كثيرة تخصه، وسنري عظمة القدماء المصريين وتاريخهم الفريد، وسنزور أماكن في قاهرة المعز ونتعرف على سبب تسميتها ومعرفة تاريخها، ونتطرق لمعرفة شخصيات أثرت في تاريخ مصر”.

كتاب “رَحَّال المحروسة” موجود حاليًا في مكتبات القاهرة.