كتاب Best Seller… قريبًا في مكتبات القاهرة
سامح فايز كتاب بيست سيلر كتب معرض الكتاب 2019 مكتبات القاهرة
Cairo 360
القاهرة مليانة مواهب مميزة، خصوصًا في مجال الكتب والثقافة، وبنفرح جدًا في كايرو 360 لما بنعرف إن فيه كتاب جديد هيصدر في مكتبات القاهرة، لأن ده بيثبت للجميع إن القاهرة مش بس عاصمة المطاعم والحفلات الفنية، هي كمان عاصمة الكتب والمبدعين في مجال التأليف.
وخلال أيام، وبالتحديد في معرض القاهرة الدولي للكتاب في دورة اليوبيل الذهبي هيصدر الكتاب الرابع للكاتب والصحفي سامح فايز بعنوان Best Seller وبشعار فرعي هو “حكايات عن القراءة” عن الدار المصرية اللبنانية.
في الكتاب ده بيرصد سامح اللي حصل في مصر في السنوات الأخيرة من صعود عدد من الظواهر الأدبية المتعلقة بالقراءة، واللي كان أهمها انتشار نوعية معينة من الكتابات زي أدب الرعب والخيال العلمي، والكتابات الرومانسية وأدب السيرة الذاتية، وسطوة السوشيال ميديا اللي أثرت بشكل كبير على حركة صناعة الكتاب والنشر في مصر.
وفي كتاب best seller – حكايات عن القراءة، بيحاول المؤلف رصد جميع الظواهر المتعلقة بحركة الكتابة والقراءة وتقديم قراءة ليها بشكل بسيط بعيد عن تعقيدات الكتابة الأكاديمية.
وبيقدم الكتاب شرح وافي لظاهرة البيست سيلر أو الكتب الأكثر مبيعًا، مع رصد لصعود تلك النوعية من الكتابات مع شرح لحقيقتها وهل هى الأكثر مبيعًا فعلًا ولا لأ.
بيست سيلر هو كتاب مهم لكل اللي مهتم بالقراءة في محاولة لمعرفة إيه اللي حصل للقراءة بعد ثورة يناير 2011 ولحد النهارده.
مين هو سامح فايز؟
كاتب وصحفي مصري، من مواليد 1985. اتخرج في كلية الحقوق جامعة عين شمس سنة 2007. عمل بالمحاماة قبل ما يتفرغ للصحافة الثقافية، وعمل بأقسام الثقافة في صحف ومجلات مصرية مختلفة زي “المصور” و”فيتو” و”التحرير” و”البوابة نيوز” و”القاهرة” و”الهلال” و”حفريات”.
اشتغل كمان رئيس تحرير لموقع “كُتب وكتَّاب” وموقع “الشباك”. وصدر له: كتاب “جنة الإخوان: رحلة الخروج من الجماعة” سيرة ذاتية، ورواية “حجر السبع”، وكتاب “رحلة يوسف”.
استنوا قريب على كايرو 360 ريفيو لكتاب بيست سيلر.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
