The Definitive Guide to Living in the Capital , Cairo , Egypt

كتب

“لقلبي حكايتان”.. رواية جديدة لعلاج الملل

أحمد مدحت سليم الملل دار نون رواية لقلبي حكايتان مكتبات القاهرة
“لقلبي حكايتان”.. رواية جديدة لعلاج الملل
بواسطة
Mohamed Talaat

مصدر الصورة من هنا

أصدرت دار “دون” رواية جديدة للكاتب أحمد مدحت سليم، اسمها “لقلبي حكايتان”، وبتتناول وصفة لعلاج الملل من خلال الرومانسية، وبتدور أحداثها حوالين طارق، رجل الأعمال الناجح اللي بيعاني ملل غامض رغم عشقه لمراته، وفي نفس الوقت تفكيره مشغول بفتاة تانية.

وبيقول الكاتب إن الطب فشل في اكتشاف علاج للملل، اللي بيقلب حياة المستقر، وبيهز حكايات العشق، وبطل الرواية رجل أعمال ناجح وعنده أسرة مستقرة،  لكنه بيصاب بملل قاتل في عيد ميلاده الخمسين، وبدأت حياته تتجه للجنون، وبيفكر في فتاة تانية على الرغم من عشقه لمراته، ومن هنا بيبدأ يدور داخل حياته علشان يعرف حقيقة الحب، وحقيقة أشخاص وعواطفهم، وكمان يعرف ذاته، ومن خلال “لعبة الأيام” بيخضع رجل الأعمال لجلسات علاج الملل.

الكاتب بيحاول من خلال روايته يلاقي حل لمشكلة الملل اللي بيعاني منها البعض مننا.

أحمد مدحت سليم هو روائي مصري صدرت أولى رواياته سنة 2015، بعنوان “ثلاثة فساتين لسهرة واحدة”، واتطبع منها 8 طبعات، وكمان صدر له  رواية “خريف، دماء وعشق” سنة 2017.

مقترح