The Definitive Guide to Living in the Capital , Cairo , Egypt

مع زيادة الاهتمام بالقراءة، وخصوصًا لمحبي قراءة الروايات، حبينا نشارككم اهتمامكم ونقولكم على أهم 3 روايات تناولت “الصوفية” في محتواها بشكل شيق وبسيط، وتقييم القراء ليها كويس، تعالوا نشوف إيه هما:

 

 

قواعد العشق الأربعون:

الرواية للكاتبة والمؤلفة التركية “أليف شفاق” وعلى الرغم من إن أول نشر ليها كان سنة 2012، إلا إنه لسه ليها قاعدة جماهيرية متزايدة في العالم العربي خصوصًا والعالم بشكل عام.

الابتكار في الرواية كان حولين الصوفي الشهير “جلال الدين الرومي” وتلميذه الدرويش” شمس الدين التبريزي” و المزج بين الشرق والغرب، والماضي والحاضر في كيفية الحب في العالم.

قواعد العشق الأربعون مقسومة لروايتين، الأولى في العصر الحالي، وبتحكي عن زوجة أمريكية مش سعيدة في حياتها، وبإيحاء من رسالة لجلال الدين الرومي عن الحب، هتلاقي الشجاعة علشان تحول حياتها.

الجزء التاني من الرواية بتدور أحداثه في القرن الـ13 حوالين  رسائل جلال الدين الرومي الروحية عن الحب، ومقابلته للدرويش المتجول “شمس الدين التبريزي”.

 

موت صغير:

الرواية اللي فازت بالجائزة العالمية للرواية العربية البوكر سنة 2017 للكاتب السعودي “محمد حسن علوان”.

اسم الرواية مستوحى من مقولة  لواحد من كبار مشايخ الصوفية، والمعروف بالإمام الأكبر “مُحيي الدين بن عربي” اللي قال فيها أن “الحُبّ موتٌ صغير”، والرواية ممكن نقول إنها سيرة حياة الإمام الأكبر “بن عربي”.

 

 

ممو زين: قصة حب نبت في الأرض وأينع في السماء.

الرواية للكاتب الكردستاني “أحمد خاني” واللي بيعتبر واحدا من كبار الأدباء الأكراد، والرواية اللي قدمنا النهارده رواية ممكن نصنفها على إنها رواية حب ورومانسية صوفية، بتحكي عن حبيبين جمعهم الحب بالصدفة وفرقهم القدر بالصدفة برده، لكن اللي بين الصدفتين بنغوص في معرفة الرجل، والمرأة، والحب بمعناه الطاهر، والخبث، والمادة، والروح ، والأضداد عموماً، وعلم نفسي إسلامي، والعودة إلى الله.