موجودين في معرض الكتاب.. أجمل 5 روايات للعراب أحمد خالد توفيق
أهم روايات أحمد خالد توفيق الدكتور أحمد خالد توفيق روايات لأحمد خالد توفيق معرض القاهرة الدولي للكتاب
Cairo 360
أحمد خالد توفيق أو زي ما بيُطلق عليه القراء العراب. هو واحد من أشهر الكتاب العرب اللي شجعوا الشباب على القراءة، بتتميز كتبه بالبساطة والقرب من الشباب. وعلشان كده بيتقال عليه الجملة الشهيرة “جعل الشباب يقرأون”. له كتير من السلاسل الروائية الشهيرة زي فانتازيا وماوراء الطبيعة، لكنه كمان له روايات مميزة جدًا، تعالوا نتعرف على أهم وأجمل 5 روايات للعراب موجودين في معرض القاهرة الدولي للكتاب.
الرواية الأولى: يوتوبيا
رواية يوتوبيا هي واحدة من أشهر روايات الدكتور أحمد خالد توفيق. صدرت عن دار الشروق في 182 صفحة. وحققت شهرة واسعة وحققت نجاح كبير وتصدرت قوائم الكتب الأكثر مبيعًا.
بيحكي الكاتب في يوتوبيا عن اللي هيحصل في مصر في المستقبل. وفيها بيتخيل أن الأغنياء هينعزلوا لوحدهم في الساحل الشمالي وهتحرسهم مجموعة من القوات البحرية الأمريكية. وعلى الجانب الآخر هيعيش الفقراء في أوضاع بائسة.
الرواية الثانية: في ممر الفئران
رواية في ممر الفئران هي واحدة من أشهر روايات العراب، صدرت عن دار الكرمة في 379 صفحة. وحققت نجاح كبير، ورواية في ممر الفئران – زي ما قال المؤلف في مقدمتها – مستوحاة من العدد رقم 68 من سلسلته ما وراء الطبيعة. وكانت الرواية بتحمل اسم أسطورة أرض الظلام. لكن الكاتب غيّر في الرواية الحبكة والشخصيات والنهاية.
بتحكي الرواية عن بطلها الشرقاوي، اللي أصابه المرض فجأة ودخل في غيبوبة.
الرواية الثالثة: شآبيب
رواية شآبيب صدرت عن دار الشروق في 330 صفحة. وبيحاول العراب في الرواية دي يطرح فكرة فريدة ومختلفة إلى حد ما. وبيحاول يجيب على سؤال هيحصل إيه لو أصبح العرب مكان اليهود وأصبح اليهود مكان العرب؟
الرواية الرابعة: السنجة
رواية السنجة صدرت عن دار بلومزبري في 134 صفحة. وبيحكي فيها الكاتب عن كاتب روائي مفقود اسمه عصام الشرقاوي.
الرواية الخامسة: مثل إيكاروس
رواية مثل إيكاروس صدرت عن دارالشروق في 296 صفحة، وبتحكي عن رجل عنده قدرة خارقة بتخليه يقدر يقرا أحداث الماضي وكمان المستقبل.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
