The Definitive Guide to Living in the Capital , Cairo , Egypt

كتب
1001 نصيحة رومانسية

1001 نصيحة رومانسية: دليلك لتكون شخص رومانسي بجدارة

  • جريجوري جوديك
  • أسلوب حياة
  • من الآن
  • عربي عربي
  • مكتبات الشروق
تم التقييم بواسطة
Shaimaa El Gammal
قيم
قيم الآن
1001 نصيحة رومانسية: دليلك لتكون شخص رومانسي بجدارة

هل أنت من الأشخاص اللي بـ يهتموا بالحب والعاطفة والمرح
والرومانسية؟ لو إجابتك كانت “نعم” يبقى الكتاب ده مخصوص لك.

كتاب 1001 فكرة رومانسية لجريجوري جيه. بي. جوديك Gregory.j.p.Godek من الكتب اللي مضمونها بـ
يبان من عنوانها، وهو بـ يندرج تحت بند كتب الـ self-help أو المساعدة على تطوير الذات وده
طبعًا لأنه بـ يتضمن مئات الأفكار اللي بـ تخلي حبك ومشاعرك مش مجرد إحساس في قلبك
ناحية شريكك وإنما بـ يخليك تعبر عن مشاعرك بأفضل شكل ممكن علشان تبقى علاقتك
العاطفية مع شريكك نابضة بالحياة والإثارة من خلال الهدايا والإشارات وتهيئة الجو
ومفاجأة شريك حياتك وكمان من خلال التجارب والنصائح الشخصية لمؤلف الكتاب.

أحسن حاجة في الكتاب ده هو إخراجه الداخلي اللي بـ يخلي
قراءته تجربة مفيدة وممتعة، الكتاب مُقسم لنقط وفصول وفقرات بـ تخلي الأفكار منظمة
ومرتبة. والجميل فيه أنه بلونين الأسود والفوشيا بمشتقانه، وده بـ يدخلك في
المود الرومانسي فعلًا ده غير أنه مليان quotes أو عبارات مأثورة في الحب هـ تساعدك أنك تكتب رسائل حب لحبيبك. الظريف
كمان  مئات الاقتراحات لأغاني وأفلام
رومانسية تصلح لكل مشاعر الحب المختلفة زي الإعجاب والحب والعشق والشوق واللهفة
والغيرة وغيرها كثير.

الحاجة الوحيدة السلبية في الكتاب ده بالنسبة لنا كقراء
مصريين أن الكتاب مليان اقتراحات بماركات محلات ومنتجات معينة كلها موجودة في
أمريكا زي مثلا محل ورد معين أو محل بـ يقدم شوكولاتة بطريقة معينة أو مطاعم وده
طبعًا مش مفيد قوي. يمكن فيه شوية أفكار أون لاين ومنتجات ممكن تجربها لو كنت بـ تستخدم
فيزا كارد وتقدر تتعامل أون لاين.

أكثر حاجة هـ تخلي قراءة الكتاب ده مسلي هي أنك تقرأه
وأنت متصل بالإنترنت وكل ما الكتاب يقترح أغنية 
تروح عامل عليها search وتبدأ تسمعها
فورًا وأنت بـ تقرأ الكتاب هـ تلاقي نفسك لا إراديًا دخلت في مود من الرومانسية والحب
وهـ تحس أنك نِفسك تكلم شريك حياتك وتعبر له عن مشاعرك.

الكتاب دسم جدًا ومش خفيف كما يبدو عليه، عدد صفحاته 500
صفحة وينفع يبقى هدية رائعة للحبيبة أو الخطيبة أو الزوجة وينفع كمان هدية في عيد
الحب أو عيد الجواز لأنه بجد مهم لأي couple بـ يحبوا بعض.

عجبك ؟ جرب

"الرجال من المريخ والنساء من الزهرة" لجون جراي.

عن الكاتب

جريجوري جيه.بي.جوديك معروف على مستوى العالم بأنه "خبير الرومانسية الأمريكية" وهو صاحب أكثر الكتب مبيعًا ومحاضر عام. ظهر في برامج تليفزيونية كثيرة زي برنامج "أوبرا" و"دوناهيو" وأعطى مئات المحاضرات في الرومانسية والحب لمجموعات كثيرة منها الجيش الأمريكي! علشان تعرف كل حاجة عنه زور موقعه.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح