The Definitive Guide to Living in the Capital , Cairo , Egypt

أكيد الأكل الشرقي واحد من أشهر وأهم الأكلات في القاهرة. وبيتنوع بشكل كبير في أطباقه ومكوناته.. لكن يا ترى مين الأفضل في كايرو؟ تعالوا نعرف رأي فريق كايرو 360 اللي اختار لكم الأفضل في العاصمة في فئة مطاعم الأكل الشرقي.

باب الشرق – Bab El-Sharq

باب الشرق، في فندق نايل ريتز كارلتون، بيقدم أصناف متنوعة من الأكل الشرقي اللذيذ. وبيتميز بأكلاته المختلفة عن باقي المطاعم.

لو طربوش – Le Tarbouche

هتستمتع بمجموعة مختلفة من الأكلات، وأنت قاعد وسط الديكور العثماني، والتفاصيل الإسلامية. في مطعم لو طربوش في الزمالك.

تمارا إلنا – Tamara Elna

هياخدك سحر بيروت، والرسومات المختلفة، وانت بتستمتع بالأكل اللبناني في مطعم تمارا إلنا. وكمان شوية أصناف مبتكرة زي الحلوم، وكراب ستيكس 

بتاو – Battaw

بتاو بيتميز بأكلاته الشرقية، المعمولة بأفكار مختلفة. زي الكبة بقرع العسل، وتبولة بالكينوا.

الخال – Al Khal

مطعم الخال  قدر يقدم أطباق شرقية مميزة ولذيذة، خلته من المطاعم اللي عرفت تعمل لنفسها اسم في القاهرة، وحجز لنفسه مكان وسط مطاعم الأكل الشرقي بجدارة،.

كازوزة – Kazouza

لو انت بتحب أيام زمان، وقعدة القهاوي والديكورات المصرية القديمة.. يبقى هتستمتع بالأكل وانت في كازوزة.

الكبابجي – El Kebabgy

أكيد هتبقى متسلطن وانت بتاكل أكل شرقي، وفي مكان زي فندق سوفيتيل الجزيرة، في الزمالك. خصوصًا لو انت في مطعم الكبابجي.

لا بالميري – La Palmeraie

لازم تبهرك أكلات مطعم لا بالميري في فندق سوفيتيل الجزيرة. حتى لو مش مجرب الأكل المغربي قبل كده.

عنب بيروت – Enab Beirut

عنب بيروت بيتميز أجواءه الهادية اللطيفة. وقعدة آوت دوور هايلة للفطار. ده طبعًا غير التميز في الطعم والجودة من ناحية الأكل.

ليبانيز دينر – Lebanese Diner

مش هتلاقي أكل لبناني روعة في ليبانيز دينر، ده كمان بيتميز بمنيو مخصص للأطفال. يعني لو الخروجة عائلية ماتشلش هم.