The Definitive Guide to Living in the Capital , Cairo , Egypt

لإنك بتتكلم على الهند، يبقى كل حاجه ليها علاقة بالهند لازم يبقى ليها أصولها، سواء في الموسيقى أو في الأفلام، لكن اللي دخل قلوبنا  كمصريين من أول وهلة بعد ده كله هو الأكل الهندي، وخصوصًا بعد ما انتشرت المطاعم الهندية في القاهرة، وبقت ترند، وأماكن محبوبة لناس كتيير، وعلشان كده نزل فريق محرري كايرو 360 في مهمة جديدة لاختيار واكتشاف واختبار أفضل مطاعم الأكل الهندي في القاهرة من بين كل المطاعم الهندية.

تعالوا نعرف فريق كايرو 360 حددوا مين الفائزين بجوائز اختيارت محرري كايرو 360 لأفضل المطاعم الهندية السنة دي:

إنديان جيت – Indian Gate:

واحد من أفضل المنافسين في مجال المطاعم اللي بتقدم أكلات هندية تقليدية بطريقة مميزة وبسيطة في الوقت نفسه.. الأجواء بشكل عام مبهجة وبتنقلك فعلًا للأجواء الهندية، الأكلات كلها معمولة باتقان وبحب واضح.. المكان له فروع كتير داخل القاهرة.

 

مهراجا – Maharaja

مهراجا يعني الراعي الرسمي للأكل الهندي في مصر، يعني بابا المجال، يعني البهاجيس والكوزاهي شيتينادو، مهراجا يعني الأكلات الهندية اللي هتعملك دماغ من غير هزار بجودة الأطباق الهندي اللي بيقدمها.