The Definitive Guide to Living in the Capital , Cairo , Egypt

الأكل الهندي معروف بتوابله المشطشطة وأكلاته المميزة اللي تخلي ريقك يجري، زي التشيكن ماسلا والعيش النان، ولأن مش أي مطعم بيقدم أكل هندي بيقدر يقدمه بتميز وبراعة أخترنا لكم الأفضل منهم في القاهرة.

الفائزين في فئة أفضل المطابخ الهندية في جوائز اختيارت محرري كايرو 360 لعام 2017:

ماني بوريه – Manipuri

 من أجمل الأماكن اللي استمتعنا فيها بكل حاجة تقريبًا، وكأننا رحنا في رحلة للهند، حاجة كده ماتتوصفش تتعاش بس، خاصة أن المكان في فندق سوفيتيل الجزيرة واللي معروف عنه أنه مابيقبلش يقدم غير خدمة وأكل على مستوى عالي.

إنديرا – Indira

الأناقة والرقي في إنديرا الموجود في هوليداي إن في سيتي ستارز، واللي قدر يقدم لنا أكبر تشكيلة أكل هندي بطعم قوي وذوق لا يُعلى عليه. فما بين الديكورات الهندية والمشروبات والمقبلات اللي بتتقدم كترحيب بك في الأول هيدخلوك في الموود وهينسوك المبلغ اللي ممكن تدفعه في مقابل تجربة مابتتكررش.

مهراجا – Maharaja

هتحس بطعم رائع لما تجرب البهاجيس والكوزاهي شيتينادو، باختصار شديد ماكنش فيه حاجة ما أبهرتناش بطعمها وسحرتنا بجمالها الهندي في مهراجا.

ماهراني – Maharani

تجربتنا كانت ناجحة جدًا في مهراني في مركب لو باشا. انبرهنا تمامًا بكل تفصيلة في المكان خاصة أن الديكورات هناك ما بتهزرش هتحس كأنك سافرت الهند على أول طيارة بس الفرق أنك لسه في مصر.