The Definitive Guide to Living in the Capital , Cairo , Egypt

من أول يوم في رمضان والفيسبوك كله مليان كلام عن الأكل الصحي في رمضان زي “بلاش أكل كتير” وطبعًا “إكسر صيامك بحاجة خفيفة”.

حتى لو ماعندكش معلومات كتيرة عن علم التغذية والصحة فالكلام ده منطقي طبعًا، بس هل منطقي إن المدفع يضرب ومعدتك خلاص بتنهار وتسكت؟ هل منطقي إنك تقاوم وأنت شامم ريحة الأكل وشايفه بيرقص قصاد عينك وأنت ساكت.

لو مش قادر خلاص، إوعى تقلق.. أنت إنسان طبيعي. طبعًا مش معنى كلامنا إننا ضد نظام الحياة والأكل الصحي، لكن برضه إحنا بنقدر الأكلة الحلوة وبصراحة فورمة الساحل مش هتتأثر بفطار (أو اثنين أو ثلاثة) في واحد من البوفيهات اللي تفتح النفس.

 

بلو ريستوران في كمبينسكي النيل

 

 

كورنيش جاردن سيتي يتميز إن عليه مجموعة من أشهر الفنادق في كايرو، ومن أهمهم فندق كمبينسكي. الحلو في الفندق إنه يجمع بين أجواء وجمال الفنادق مع مستوى عالمي من الخدمات والإمكانيات اللي تناسب اسم كمبينسكي الكبير، فلو كنت عايز تفطر فطار ملوكي يبقى روح بسرعة على بلو ريستوران اللي بيقدم مجموعة من الأطباق العالمية المميزة. السعر للفرد ++300 جنيه

للحجز ومعلومات أكتر اتصل على 02-2798-0000.

 

نايت أند داي في إنتركونتيننتال سميراميس

 

نروح لفندق تاني من فنادق جاردن سيتي وهو إنتركونتيننتال سميراميس المعروف بأكله الخرافي. إنتركونتيننتال بمطاعم زي بيردكيدج التايلاندي وأخصائي البرانش “نايت أند داي” أكيد عارف بيعمل إيه كويس. النهاردة كلامنا هيكون عن نايت أند داي، والناس اللي راحت بوفيه البرانش الأسبوعي عارفين كويس إنهم على موعد مع بوفيه إفطار مميز. السعر للفرد ++345 جنيه.

للحجز ومعلومات أكتر اتصل على 010-2221-8977.

 

لا جورمانديز في فور سيزونز فيرست ريزدنس 

 

 

ما فيش اتنين يختلفوا على شعبية وقوة خيمة لا جورمانديز الرمضانية في الفطار والسحور. خيمة لا جورمانديز السنة دي في فيرست مول داخلة رمضان بقوة وبتقدم بوفيهات ماحصلتش وأكل أشكال وألوان. السعر للفرد ++425 جنيه.

للحجز ومعلومات أكتر اتصل على 02-3567-2015.

 

سولانا في كونراد

 

 

كونراد من أوائل الفنادق اللي أهل القاهرة بيفكروا فيها لما تطلب معاهم يضربوا أكلة جامدة محصلتش. مطعم سولانا بيقدم بوفيه روعة لرمضان بيساهم فيه كل مطاعم الفندق عشان تستمتع بتجربة أكل خيالية.

السعر للفرد ++295 جنيه.

للحجز ومعلومات أكتر اتصل على 02-2580-8481.

 

تراس كافيه في هيلتون رمسيس

 

 

ما فيش شك إن مطعم مهراجا في هيلتون رمسيس من أحسن مطاعم الأكل الهندي في العاصمة، لكن الفكرة إن الفندق الموجود في وسط البلد عنده مطاعم تانية مهدور حقها. لازم تجربوا بوفيه الفطار في تراس كافيه وتستمعوا بأكل بدون حدود على نغمات العود.

السعر للفرد ++280 جنيه.

للحجز ومعلومات أكتر اتصل على 010-2221-8977.