The Definitive Guide to Living in the Capital , Cairo , Egypt

بالنسبة لنا بنعتبر إن طبق الأرز باللبن المميز فيه هرمون سعادة مايقلش عن هرمونات السعادة في الشيكولاتة، حتى لو كان العلم له رأي مختلف.. آه اسمعوا مننا وجربوا وأنتم هتتأكدوا! هتكتشفوا إن طبق الأرز باللبن لما يكون معمول بمعلمة وحلاوة، سكره مظبوط، الأرز نضيف، اللبن طازة، كل ده هيخليكم تحسوا بالسعادة.

في الموضوع ده هنعرفكم على 5 محلات في القاهرة بتعمل أحلى أرز باللبن، وحابين نقول لكم إننا جربنا الأماكن دي بنفسنا.. يعني على ضمانتنا.

أبو أحمد

عندهم الأرز باللبن الفرن والعادي، بالطريقة التقليدية، والطعم عندهم حكاية، لبن نضيف جدًا، الأرز معمول صح ومش مكسر، وكمان تقدروا تضيفوا عليه أي أنواع مكسرات بتحبوها.

العنوان: ميدان عمرو بن العاص – أمام بوابة المسجد – مصر القديمة.

المنيل: ميدان الباشا – المنيل.

رقم التليفون: 01000562055

صفحة الفيسبوك من هنا.

المالكي

له أكتر من فرع، وبيعمل الأرز باللبن سادة وبالمكسرات وكمان بالآيس كريم، مشهود له بالكفاءة والجودة، ويعتبر من أفضل محلات الألبان اللي بيستخدم كل حاجة طبيعية في صناعة منتجاته، وتقدروا تجربوا من عندهم طبق “ريزو” هيعجبكم.

العنوان: 16 شارع عبد الخالق ثروت – تقاطع طلعت حرب – وسط البلد.

رقم التليفون: 19017

صفحة الفيسبوك من هنا.

سونستا

الأرز باللبن بتاعهم معروف باسم “العالمي” علشان هو عالمي في طعمه وجودته، وأكيد كل اللي جربوه انبهروا بيه، وهو متخصص في منتجات الألبان الجاموسي.

العنوان: 76 مدينة عباد الرحمن – المقطم.

رقم التليفون: 01060070482

صفحة الفيسبوك من هنا.

حلواني صابر

له في مصر 18 فرع، والقاهرة لها نصيب في فرعين، وده غير فروع الدولة العربية، وبيعمل أعظم أرز باللبن ممكن تاكلوه في حياتكم.. خلينا نقول أنه الأرز باللبن على أصوله موجود عندهم.

العنوان: ميدان لبنان – المهندسين.

4 شارع عباس العقاد – مدينة نصر.

رقم التليفون: 0233044138 – 0222639738

صفحة الفيسبوك من هنا.

المدينة المنورة

عندهم كل منتجات الألبان طبيعية، وبيعملوا أرز باللبن عادي وفرن، والعادي بتاعهم حلو وهيعجبكم، وأحجامهم واحدة معندهمش كبير وصغير.

العنوان: 1/7 شارع اللاسلكى، تقاطع شارع النصر، المعادى الجديدة.

رقم التليفون: 01065527805 – 0225169311