فيفو: بيتزا أصلية من المطعم الإيطالي في نايل ريتز كارلتون
Cairo 360
بصراحة كل من هب ودب في مصر بيقول على نفسه إنه بيعمل “أكل أصلي”. في ناس كتير فاكرة إن مجرد استخدامهم لمكونات أكل ممتازة بتعمل طبق ماحصلش، بس أهم حاجة في الموضوع هو تحضير الأكل وطريقة تنفيذه. أول لما توصل لسر الخلطة هتقدر تعمل الأكلة المميزة ودي حاجة بتميز نايل ريتز كارلتون وخصوصًا المنيو الجديدة المبهرة اللي بيقدمها المطعم الإيطالي “فيفو-Vivo”.
مطبخ فيفو تحت إشراف الشيف كارمين بيقدم تشكيلة من أطباق البيتزا اللي تفتح النفس من اسمها لوحده، وأكيد بيقدموا لكل الأكيلة مفهوم جديد للأكلة الإيطالية المحبوبة، وفي نفس الوقت لازم نفتكر الشيف أوليفر جلويج الحاصل على نجمتين ميشلان واللي جه من بلده روما مخصوص في أكتوبر اللي فات علشان يقدم منيو white truffle مخصوصة لمطعم فيفو.
رقم ثلاثة عند فيفو له سحر خاص، لإن ده عدد البيتزات المدهشة عندهم. أول واحدة هي بيتزا دليزيا اللي بتقدم خلطة خفيفة وبسيطة من الجرجير والطماطم المجففة والزيتون والبلو تشيز.
نفسك في أكلة سي فوود تخفف من حر الصيف؟ مفيش أحلى من بيتزا مير اللي عليها بلح بحر وكاليماري وجمبري وطماطم شيري.
استخدام الشيف كارمين لزيت التروفل اللي بنشوفه في أحسن المطابخ العالمية كان اختيار ممتاز في بيتزا جوستو، اللي تشمل جبنة بروفولون مدخنة ومشروم.
لو عايزين تعرفوا أكتر وللحجز اتصلوا على أرقام نايل ريتز كارلتون على 02-2577-8899، أو شوفوا صفحة الفندق على الفيسبوك.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
