The Definitive Guide to Living in the Capital , Cairo , Egypt

متعة الأكل لا تقدر، وسعادتنا بالأكل الحلوة مافيش زيها سعادة، ولما نقرر ناكل لازم نختار بمزاج وروقان، وعلشان نوفر عليكم اللف والتدوير قررنا نقول لكم على 5 مطاعم بتقدم مشويات وغيرها، وأكلها هيبسطكم وهيغير مودكم وكمان هتلاقوا هناك قعدة حلوة تريح أعصابكم.

دوار فرح

تقدروا تشربوا من عندهم شوربة بأنواعها وعندهم طواجن ووجبات مختلفة، وفتة ومشويات، وكمان سندوتشات وحلو، ومكانهم بيتميز إنه واخد مساحة كبيرة كواجهة تقدروا تشوفوا جزء من شارع جامعة الدول من عندهم.

العنوان: 71 شارع جامعة الدول العربية – بجوار فرغلي بتاع العصير

رقم التليفون: 0233360888

صفحة الفيسبوك من هنا

أبو شقرة

غني عن التعريف، وله فروع كتير، ومميز في مشوياته والحمام، وتقدروا تلاقوا عنده حواوشي وخضار وشوربه بالبهاريز وحلو، وبيقدم خدمة على أعلى مستوى.

العنوان: 17 شارع جامعة الدول العربية

تليفون: 0233444767

صفحة الفيسبوك من هنا

الدهان

هو أصل المشويات، وبيقدم أفضل أنواع اللحوم بتتبيلاته المميزة، وعندهم كمان مجموعة من المقبلات والخضار والشوربة اللي هيبهروكم بطعمهم، وهتتبسطوا من حسن الاستقبال وطعم الأكل، وهما عندهم فروع كتير غير الفرع ده.

العنوان: 38 جامعة الدول العربية

رقم التليفون: 0222926800

صفحة الفيسبوك من هنا

باب مكة

المطعم ده متخصص في المأكولات الخليجية والهندية، وقعدته رومانسية، ورغم ان أسعارهم للبعض تبان مرتفعة شوية، لكن جودة الأكل ممتازة، وأهم حاجة تخلوا بالكم أن الأكل الهندي معظمه حراق جدًا، فأطلبوه على قدر تحملكم.

العنوان: 92 شارع جامعة الدول العربية

رقم التليفون: 01069000099

صفحة الفيسبوك من هنا

باب الدول

مطعم مميز وبيقدم مشويات على الفحم وباستا ومناقيش وأكلات من كل الدول العربية، وحلو ومشروبات، وكمان المكان مميز جدًا أنه له واجهتين واحدة على شارع جامعة الدول والتانية على نادي الزمالك.

العنوان: 70 شارع الحجاز – سور نادي الزمالك

رقم التليفون: 01155544485

صفحة الفيسبوك من هنا