The Definitive Guide to Living in the Capital , Cairo , Egypt

أخيرًا وبعد 16 سنة من بداية ترميمه، الدكتور خالد العناني، وزير السياحة والآثار، افتتح النهارده هرم زوسر المدرج، واللي بدأت أعمال ترميمه في 2004، واستمرت لـ2011، واتوقفت بسبب الأحداث السياسية، لكن في 2017 تم استئناف أعمال الترميم، والنهاردة الخميس 5 مارس 2020، تم افتتاحه رسميًا للجمهور بعد الترميم، وبالمناسبة دي هنقولكم على 5 معلومات عن الهرم وتاريخه.

1- هرم زوسر تم بناؤه أثناء عصر الأسرة الثالثة وعمره 4500 سنة واتبنى سنة 27 قبل الميلاد.

2- زوسر هو أقدم بناء حجري في العالم وهو مدرج بـ6 درجات وده إعجاز كبير.

3- الهرم اتأثر من زلزال 1992 ووقعت منه بعض الأجزاء.

4- حجرة دفن الملك اتبنت تحته بـ28 متر بمقاس 7 في 7 متر، وكانت ملساء وبتتكون من الجرانيت الأحمر.

5- علشان توصلوا لغرفة الدفن لازم تمروا على ممرات ودهاليز و4 غرف، ودي اتبنت علشان تمنع اللصوص من سرقة محتويات المقبرة.

6 – شهدت أعمال الترميم دقة متناهية علشان يتم تحسين كل حاجة في الهرم، وبنوا مسارات لذوي الاحتياجات الخاصة، واترممت المداخل، وكمان لأول مرة بقى مسموح أنه يتم دخول الهرم من جوه.

7 – علشان توصلوا لمنطقة هرم زوسر تقدروا تروحوه عن طريق الدائري، وتنزلوا نزلة سقارة، أو عن طريق المريوطية وطريق الواحات، وبعد تقريبًا 16 كيلو هيقابلكم مدرسة سجاد “سفنكس”، وهناك هتلاقوا الهرم في انتظاركم.

كمان تقدروا تركبوا مواصلات عادية من منطقة المريوطية وميدان الرماية هتوديكم لحد هناك.