The Definitive Guide to Living in the Capital , Cairo , Egypt

متحف الفنون الجميلة في الإسكندرية عمل مبادرة بعنوان “إلزم بيتك وهنجيبلك المتحف لغاية عندك”، وده علشان لتشجعكم على القعدة في البيت كإجراء وقائي واحترازي لمنع انتشار فيروس كورونا المستجد، وفي نفس الوقت نتفسح.

بدأت المبادرة بنشر معلومات عن اللوحات الفنية على صفحة الكلية على الفيسبوك زي ما قال “علي سعيد” مدير متحف الفنون الجميلة في تصريحات لـ “اليوم السابع” وده لقى إقبال شديد من محبين الفنون واللوحات، وحتى المواطنين العاديين.

اتطورت المبادرة زي ما قال “سعيد” اللي أكد كمان على إن هيتم عرض حوالي 2000 عمل من الأعمال الموجودة في متحف الكلية، وهينزل منهم 5 أعمال يوميًا على الصفحة، وكل عمل هيكون مرفق بصورته معلومات خاصة عنه، وكمان هيكون فيه فيديو مبسط لشرح بعض الأعمال الفنية المميزة في المتحف.

متحف الفنون الجميلة بالإسكندرية يعتبر أول متحف اتنبى مخصوص علشان يكون متحف للفنون الجميلة في مصر والشرق الأوسط، وبيضم أعمال لرواد الفنانين، ومن أهم مفتنياته مجموعة “إدوارد فريد هايم” الألماني اليهودي، ومجموعة لوحات “المستشرقين”.

علشان تعرفوا أكتر عن المتحف واللوحات بتاعته زوروا صفحتهم على فيسبوك من هنا.