Mohamed Talaat
شركات السفر كتير، والأماكن اللي تقدروا تروحوا لها عن طريقها ملهاش عدد، لكن “شنطة سفر” شركة مختلفة في فكرتها ومحتواها، والسبب إنها بتعمل رحلات مختلفة جدًا عن أي حد تاني، وتقدروا من خلالها تكتشفوا المجهول في مصر من آثار وأماكن خلابة ومميزة، وهدفهم تعريف المصريين بأجمل الأماكن المنسية داخل الوطن من خلال السياحة الداخلية.
الشركة تم تأسيسها عن طريق 3 أصدقاء، ماجد الشريف، وبيشتغل ممثل، وأحمد يحيي وهو مرشد سياحي متخصص في التاريخ، ومحمد مصطفى اللي بيشتغل صحفي، وجت لهم الفكرة من خلال رحلاتهم الكتير، واللي فيها اكتشفوا جمال مصر والأماكن اللي مش معروفة للناس، ومن هنا قرروا يعملوا رحلات مختلفة عن أي شركة تانية، وكمان بدون هامش ربح نهائي لفترة محدودة.
بدأت شركة شنطة سفر نشاطها وأخدت مقر وعملوا صفحة على الفيسبوك، وأول رحلة عملوها للصعيد كانت لمحافظة المنيا اللي ملقبة بعروس الصعيد، والرحلة كانت 3 أيام كلهم زيارات وأنشطة مميزة ومختلفة وبسعر 1950 للفرد شاملة كل حاجة.
الشركة بتعمل رحلات لأهم المحافظات المصرية، وعملوا زيارات للفيوم وبني سويف وسوهاج والأقصر، ومانسيوش سيناء في رحلاتهم، وإسكندرية كمان، وبيعملوا رحلات داخل القاهرة وأماكن قريبة منها، وحاليًا عندهم رحلة يوم 26 ديسمبر لمحافظة أسيوط، وسعر الفرد 2200 جنيه شاملة كل حاجة.
العنوان: 7 شارع عبد الحميد لطفي – خلف السراج مول – مدينة نصر.
رقم التليفون: 01005678018
صفحة الفيسبوك من هنا