بالصور… اكتشاف مقصورة الملك رمسيس الثاني في حي المطرية
آثار العصر الفرعوني المطرية بعثة جامعة عين شمس الأثرية سياحة عين شمس مقصورة الملك رمسيس الثاني
Cairo 360
“عين شمس عايمة على بحر من الآثار” جملة قالها سواق تاكسي في فيلم عين شمس اللي بيحكي عن منطقة عين شمس وسكانها، وواضح إن الجملة حقيقية جدًا لإن كل فترة بنكتشف حاجة جديدة في عين شمس وأحيائها، خصوصًا حي المطرية.
ومؤخرًا اكشفت البعثة الأثرية التابعة لجامعة عين شمس المصرية، واللي شغالة حاليًا بمنطقة عرب الحصن بالمطرية، مقصورة احتفالات الملك رمسيس الثاني كاملةً، أثناء أعمال الحفر الأثري للبعثة.
وسبق الكشف ده جزء من المقصورة في مارس اللي فات، بعدها استكملت البعثة أعمال الحفر الأثري من تاني، وكانت النتيجة اكتشاف باقي المقصورة مع الكشف عن مجموعة من أعتاب الأبواب اللي بتؤدي إليها.
أهمية الكشف ده إن المقصورة فريدة من نوعها من عصر الدولة الحديثة في رحاب معبد رع بمنطقة عين شمس، والمقصورة دي استخدمت لجلوس الملك رمسيس الثاني أثناء الاحتفال بأعياد تتويجه وعيده اليوبيلي المعروف عند المصري القديم بـ”حب سد”، وممكن يكون استمر استخدام المقصورة دي طول عصر الرعامسة بحث البعثة الأثرية لجامعة عين شمس.
البعثة اكتشفت كمان العديد من القطع الأثرية المهمة في نفس المكان منها جعارين، وأواني فخارية، وكتل حجرية فيها نقوش هيروغليفية.
نسيبكم مع صور من الاكتشاف الجديد:
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
