بالصور: بعثة مصرية صينية في مهمة لإنقاذ معبد “مونتو” في الأقصر
أماكن مصرية إله الحرب الأقصر معبد مونتو مونتو
Cairo 360
في السنوات اللي فاتت اتعرض معبد “مونتو” في قرية المدامود شمال مدينة الأقصر، لكل أشكال الإهمال اللي وصلت لدرجة كسر بعض تماثيله وأعمدته ده غير وقوع جدرانه وطمس نقوشه اللي بتؤرخ لفترة مهمة من تاريخ مصر القديم، لكن مؤخرًا قررت وزارة الآثار ترميم المعبد من خلال الاستعانة بأول بعثة مصرية صينية.
وبحسب موقع مصراوي فالمعبد محاط بسور بيرتفع عن الأرض أقل من متر وكان بيطلع عليه الأطفال علشان يلعبوا وسط حجارته، كمان الحيوانات والكلاب الضالة كانت بتتجول بين الأعمدة والتماثيل المحطمة وكأنه مرعى للحيوانات.
بيقول محمود فرح المرشد السياحي: “مونتو هو معبد مخصص لعبادة إله الحرب بيقع في قرية المدامود وبيتبع إداريًا معابد الكرنك وتم الكشف عنه خلال حفائر عالم الآثار الفرنسي فرناند بيسون دي لا روك في عام 1925 واستمر العمل لاكتشاف كافة مباني المعبد كذا سنة، وهو تحفة فنية مميزة”.
وبيقول الدكتور مصطفى وزيري الأمين العام للمجلس الأعلى للآثار، إن أعمال ترميم معبد مونتو بدأت في شهر نوفمبر اللي فات على يد البعثة المصرية الصينية التي قامت بأعمال النظافة وإزالة المخلفات من المكان.
بعد كده أجرت البعثة المصرية الصينية مسح أثري لمنطقة المعبد بالإضافة إلي عمل فوتوسكان وفوتو جراماتيك للبلوكات الخاصة بيه بهدف تسجيلها و توثيقها.
والسنة دي هيكون فيه اهتمام كبير بالمعبد.
لو روحت الأقصر قريب لازم تزور المعبد المميز ده.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
