The Definitive Guide to Living in the Capital , Cairo , Egypt

من الأماكن الجميلة والساحرة اللي موجودة في القاهرة الكبرى بالقرب من منطقة حدائق أكتوبر، وعلى بعد دقايق من أهرامات الجيزة وبالتحديد في منطقة دهشور بالقرب من هرم زوسر، وناس كتير ماتعرفش عنه حاجة هو “بركة الملك فاروق”.

البركة بتعتبر مهبط الطيور المهاجرة فى رحلتها الموسمية فى مارس، وهي جاية من أوربا ودول البحر المتوسط، فالخضاري والزرزور والبط العراقى وغيرها من الطيور اللي اتخذت من دهشور فى قلب الجيزة مستقر ليها كل عام.

الملك فاروق اختارها وجهته لممارسة هواية الصيد.

البركة اختارتها منظمة اليونسكو عام 1979 كواحدة من أهم مواقع التراث البيئى العالمى المتبقية من الحضارة المصرية القديمة، على امتداد نهر النيل واللي بتنمو فيها مجموعة من الأشجار النادرة ونبات البردى.

وفى المنطقة الساحرة دي من الجيزة، أقام الملك فاروق استراحته الملكية، وكانت رحلات الصيد اللي بيدعوا ليها المقربين منه لمشاركته في هوايته المفضلة، واتعود الملك فاروق سنوياً إنه يحضر للبركة في فصل الربيع ومعاه بندقيته علشان يصطاد الطيور.

مكان البركة المميز محتاج شيء من الاهتمام، علشان يكون على الخريطة السياحية المصرية، لإن المنطقة فعلًا من أجمل المناطق لهواة التصوير ومحبى الاستمتاع بالطبيعة.

أهالي المنطقة بيعتبروا بركة الملك فاروق مصيف ليهم فى وقت وجود المياه في الصيف.