The Definitive Guide to Living in the Capital , Cairo , Egypt

معالم وسياحة

بعد تطويره وإعادة افتتاحه.. 5 معلومات عن مسجد الحسين (صور)

تاريخ مسجد الحسين بمصر رأس الحسين صور لمسجد الحسين مسجد الإمام الحسين بالقاهرة مسجد سيدنا الحسين
بعد تطويره وإعادة افتتاحه.. 5 معلومات عن مسجد الحسين (صور)
بواسطة
Mohamed Talaat

في أول أيام رمضان 2022، احتضن مسجد الإمام الحسين بقلب القاهرة أول صلاة عشاء وتراويح بعد ترميمه، ومن المقرر تستمر إقامة الشعائر في المسجد طول الشهر الكريم وما بعده.

 تعالوا نتعرف أكتر على مسجد سيدنا الحسين، ونشوف صور للمسجد بعد التطوير.

1 – بيقع مسجد الإمام الحسين بن علي في القاهرة، وبالتحديد في القاهرة القديمة في الحي اللي اتسمى باسم الإمام (حي الحسين) وبجوار المسجد على طول هتلاقوا خان الخليلي الشهير والجامع الأزهر.

2 – اتبنى المسجد في عهد الفاطميين سنة 549 هجرية الموافق سنة 1154 ميلادية، تحت إشراف الوزير الصالح طلائع، وبيضم المسجد 3 أبواب مبنية بالرخام الأبيض بتطل على خان الخليلي، وباب تاني بجوار القبة بيعرف بالباب الأخضر.

3 – اتسمى المسجد بالاسم ده بسبب روايات لمجموعة من المؤرخين بيقولوا إن رأس الإمام الحسين مدفون في المسجد، وبتقول الروايات دي، إنه مع بداية الحروب الصليبية خاف حاكم مصر الخليفة الفاطمي على الرأس الشريف من الأذى االلي ممكن يصيبها في مكانها الأول في مدينة عسقلان بفلسطين، فطلب بنقلها لمصر، وتم دفن الرأس في مكانه الحالي، وأقيم المسجد عليه، لكن الروايات دي محل خلاف.

4 – بيشتمل المبنى على 5 صفوف من العقود المحمولة على أعمدة رخامية، والمحراب مبني من قطع صغيرة من القيشاني الملون، وهو مصنوع سنة 1303 هـ، وبجانبه منبر من الخشب بيجاوره بابين بيوصلوا للقبة وباب ثالث بيؤدي إلى حجرة المخلفات اللي اتبنت سنة 1311 هـ.

5 – المسجد مبني بالحجر الأحمر على الطراز الغوطي، أما منارته اللي بتقع في الركن الغربي القبلي فمبنية على نمط المآذن العثمانية فهي أسطوانية الشكل، وللمسجد 3 أبواب من الجهة الغربية وباب من الجهة القبلية وباب من الجهة البحرية بيؤدي إلى صحن به مكان الوضوء.

مقترح