بيت السحيمي… واحد من كنوز القاهرة التاريخية
أماكن القاهرة القاهرة التاريخية القاهرة الفاطمية بيت السحيمي بيوت القاهرة الأثرية خروجات شارع المعز
Cairo 360
فسحة لشارع المعز لدين الله فى القاهرة هتوديك عند منطقة زحمة قريبة من خان الخليلى. من الممر الضيق بتاع محلات الصاغة و أصحاب المحلات الشطار، الشارع المعروف ده بينفتح و يبقى شارع أثري بأرض حجرية. المنطقة دى اللى فآخر شارع المعز لفتت النظر وشهدت شوية انتعاش في الكام سنة اللى فاتوا، جزء كبير من ده سببه التجديدات اللي تمت لبيت السحيمى، واحد من كنوز القاهرة التاريخية.
بيت السحيمى هو عبارة عن بيتين مفتوحين على بعض اتبنوا فى القرن الـ 17 والـ 18. بفضل موقع القاهرة الممتاز على الطريق التجارى القديم، كتير من سكان البلد كانوا عايشين فى بيوت راقية بتصميمات جميلة، و بيت السحيمى يعتبر مثال لأحسن البيوت اللى باقية من بيوت التجار دول.
البيت كان فيه تلفيات كتير، حيطانه إتشققت ومشربياته إتفككت، لسنين طويلة فضل بيت السحيمى فى حالته المتدهورة، مش بيستخدم و مش متقدر. لكن فى سنة 1990، إتعمل مشروع دقيق علشان يرجعوا الموقع التاريخى لحالته الأصلية وثبت إنه مش بس مفيد للبيت، لكن للحى كله كمان.
و من وقت التجديدات الكبيرة اللى حصلت فـي البيت، المبنى دلوقتى مفتوح للعامة كمتحف ولعروض متنوعة. فى رمضان البيت بيستخدم لعروض وحفلات ومسرحيات بتنظمها وزارة الثقافة. بيت السحيمى برضه على مدار السنة ممكن يقدم رقصات التنورة و روايات وسير شعبية وينفع لجولة هادية بالليل.
التذاكر بسعرها رخيص سواء للمصريين أو الأجانب، للتجول فى البيت أى يوم من 9 ص لـ 5م. أبواب الدخول خشبية ضخمة وجوه مدخل ضلمة، فيه هناك ركن رئيسى كان ممكن يبقى غرقان بالنور لو ماكنش فيه نخل مغيم على بقعة الزرع اللى تحته.
أول أوضة فالبيت هى مدخل فخم بأسقف عالية مبهرة ونجفة طويلة. بالرغم من الحيطان الحجرية البسيطة، الأوضة فخمة وفيها مشربيات خشبية دقيقة بتدخل ضوء خفيف لكن بتدى خصوصية جامدة. المشربيات المزخرفة ظاهرة موجودة في البيت كله، و بتضيف تناغم مع الهيكل الحجرى.
الدور الأول فى المبنى فيه مجموعة غرف فخمة، أى زائر بيخاف من الضلمة أوالأماكن المقفولة ممكن مايحبش يستكشف البيت أكتر من كده. الدور التانى عامل شوية زى المتاهة، طرق ضلمة وضيقة غالباً بتودى على أوض ضلمة أكتر، وأسقفها واطية. شوية من الغرف فاضيين خالص مافيهمش حاجة غير طبقة تراب لازقة على الحيطان، وشوية غرف تانية فيها سجاد وشوية ترابيزات وتحف. أوضة واحدة في الدور التانى مفيهاش مشربية بس فيها بلكونة جميلة بتطل على الركن اللى تحت. الأوضة دى فيها قعدة تنفع علشان تجمع نفسك و أنت بتستكشف البيت الغرف المربكة دي.
بعد استكشاف متاهة البيت، المحطة الأخيرة لازم تبقى ورا بيت السحيمى، اللى فيها ركن تانى بيعرض صور بتوضح البيت قبل وخلال وبعد التجديدات الكبيرة اللى اتعملت في السنوات الأخيرة.
مقترح
تسوق
خلّي السعادة تكمل.. تشتري منين أحلى شوكولاتة في القاهرة؟
أفضل أنواع الشوكولاتة أماكن بيع شوكولاتةـ محلات شوكولاتة +3
الحياة في كايرو
