The Definitive Guide to Living in the Capital , Cairo , Egypt

معالم وسياحة

عمرو بن العاص.. 7 معلومات عن أقدم مساجد مصر وأفريقيا

مساجد القاهرة مساجد تاريخية مساجد مصر مسجد عمرو بن العاص معلومات عن مسجد عمرو بن العاص
عمرو بن العاص.. 7 معلومات عن أقدم مساجد مصر وأفريقيا
بواسطة
Mohamed Talaat

القاهرة معروفة بمساجدها التاريخية الكتيرة اللي بترجع لعصور مختلفة. لكن مسجد عمرو بن العاص اللي بيعتبر أقدم مساجد مصر وأفريقيا، واللي موجود في الفسطاط بميدان عمرو بن العاص في حي مصر القديمة، بيعتبر أول مسجد اتبنى في مصر بعد مافتحها عمرو بن العاص عام 20 هجري، أي عام 641 ميلادي.

في السطور الجاية هنقول لكم على 5 معلومات عن المسجد التاريخي ده.

1 – الصحابي عمرو بن العاص أنشأ المسجد عام 21 هجري /641 ميلادي، وواتعرف المسجد بأسماء مختلفة منها “الجامع العتيق” و”تاج الجوامع”، لحد ما تم الاستقرار على اسمه الحالي، جامع عمرو بن العاص.

2 – في بداية إنشائه، كان الجامع أقرب لمركز للحكم ونواة للدعوة للدين الإسلامي بمصر، وبعدها اتبنت حواليه منطقة الفسطاط، وهي أولى عواصم مصر الإسلامية.

3 – الموقع اللي اختاره عمرو بن العاص لبناء المسجد كان بيطل وقتها على النيل.

4 – ييتكون المسجد من صحن أوسط مكشوف بتحيط به أربعة أروقة ليها أسقف خشبية بسيطة، وأكبر الأروقة دي هو رواق القبلة.

5 – موجود في جدار القبلة الخاصة بالمسجد لوحتين بيرجعوا لعصر المماليك.

6 – دور مسجد عمرو بن العاص ماكنش آداء الفرائض الدينية بس، لكن كانت بتعقد فيه محكمة لفض المنازعات الدينية والمدنية، بالإضافة إلى أنه كان المكان اللي بتتجمع فيه الأموال لليتامى والفقراء.

7 – في عهد الدولة الفاطمية، كانت بتقام في المسجد الإحتفالات في الجمعة الأخيرة من شهر رمضان.

مقترح