The Definitive Guide to Living in the Capital , Cairo , Egypt

مصدر الصور من هنا

بتاريخ ١٤ أكتوبر 1973 نجحت قواتنا الجوية المصرية في السيطرة الكاملة على الأجواء الجوية في معركة المنصورة واللي دارت أحداثها في سماء الدلتا، واتهزم فيها طيران الاحتلال الإسرائيلي اللي خسر 17 طيارة بخلاف الأرواح البشرية، وشارك في المعركة 120 طيارة من الجانبين، وكانت أطول معركة جوية في التاريخ، ومن وقتها أصبح اليوم ده هو عيد النسور المصرية، وعلشان تقدروا تعرفوا أكتر عن القوات الجوية المصرية لازم تزوروا متحفهم في صلاح سالم، اللي بيوثق كل حاجة واللي متاح الدخول له لكل المصريين بتذكرة سعرها 30 جنيه، وفي السطور اللي جاية هتقولكم على 5 معلومات تعرفكم على المتحف ومحتوياته بشكل أكبر.

1- المتحف مفتوح يوميًا ما عدا الثلاثاء من 9 صباحًا حتى 3 عصرًا.

2- الزيارة عبارة عن جولات معاها مرشد بيشرح كل حاجة جواه.

3- تقدروا تعرفوا أكتر عن معرض الطائرات الحقيقية وقصص كل طيارة ودخول الهليكوبتر للجيش المصري.

4- متحف القوات الجوية بيضم برنامج DAY TO FLY & TRY TO FLY لتعليم طلبة المدارس علوم الطيران.

5- المتحف فيه سينما ومكتبة وجداريات ولوح فنية ووثائق وصور نادرة، بتحكي عن بطولات القوات الجوية من سنة 1932.

العنوان: قاعدة ألماظة الجوية – شارع صلاح سالم – أمام الكلية الحربية.

رقم التليفون: ٠١٠٢٤٠٢٨٢٧٠ –  ٠١٠٦٠٨٢١٨٦٠

صفحة الفيسبوك من هنا