Mohammed Sabry
السفر لأوروبا بغرض السياحة، حلم لأي حد بيحب السفر. لكن دايمًا أول وآخر مشكلة بتكون التكلفة. الموضوع محتاج فلوس كتيرة جدًا. بس علشان الحلم ده يتحقق، دي 5 نصائح تساعدك تسافر بأقل تكلفة.
1- السفر لأوروبا الشرقية
وجهات أوروبا الغربية، زي فرنسا وإيطاليا وألمانيا، ساحرة وجذابة. لكن تكلفتها بتكون عالية جدًا. على عكس دول أوروبا الشرقية (بلغاريا، بولندا، رومانيا، صربيا، هنجاريا)، اللي بتكون أقل بشكل ملحوظ. كمان العواصم في أوروبا بتكون غالية في الإقامة والأكل. يُفضل تختار مكان بعيد عن العواصم.
2- اعمل زي السكان المحليين
مفيش داعي للأكل في المطاعم الفاخرة، وشراء الهدايا الغالية. عيش حياة السكان المحليين في الإقامة والأكل والمواصلات والهدايا. ده هيوفر فلوسك، وفي نفس الوقت هتستمع برحلتك.
3- ادرس كل الخيارات
جزء من تخفيض الميزانية، دراسة كل الخيارات المتاحة في كل خطوة. يعني لو عايز تتنقل من مكان للتاني، احسب فرق السعر في المواصلات المختلفة. وكذلك لو عايز تاكل في مطعم أو تنزل في فندق.
4- ابعد عن السفر في المواسم
الفترة من اكتوبر لأبريل، بتكون هي الأعلى في السفر لأوروبا. سافر برة الفترة دي. صحيح الجو هيكون برد شوية، لكن هتوفر في تذاكر الطيران، وكذلك في الإقامة هناك. لأنك هتكون برة أشهر الصيف والأجازات.
5- الإقامة
لو بتسافر لوحدك يبقى أفضل اختيار هو بيوت الشباب. بتكون أرخص، فبتوفر فلوسك. وكمان فرصة تتعرف على شباب من جنسيات مختلفة، وتعرف ثقافات جديدة.
مقترح
تسوق
خلّي السعادة تكمل.. تشتري منين أحلى شوكولاتة في القاهرة؟
أفضل أنواع الشوكولاتة أماكن بيع شوكولاتةـ محلات شوكولاتة +3
الحياة في كايرو
