The Definitive Guide to Living in the Capital , Cairo , Egypt

خلال أيام، وبالتحديد نهاية الشهر الحالي، هيتم افتتاح متحف الأديب نجيب محفوظ بمبنى تكية أبو الدهب في حي الأزهر بقلب القاهرة، بالتزامن مع احتفالات مصر بذكرى ثورة 30 يونيو.

ومؤخرًا تم الانتهاء من جميع الأعمال والتجهيزات الخاصة بالمتحف، بالإضافة إلى تجميل المنطقة المواجهة للمتحف من خلال جدارية جميلة نفذها الجهاز القومى للتنسيق الحضاري بالتعاون مع محافظة القاهرة، وهي عبارة عن بورتريه لنجيب محفوظ بيتوسط عدد من المآذن التاريخية اللي بتمثل روح مؤلفاته.

ومتحف نجيب محفوظ بيتكون من دورين، الأول فيه قاعات للندوات، ومكتبة سمع بصرية، ومكتبة عامة، ومكتبة نقدية بتضم أهم الأبحاث والدراسات عن أعمال نجيب محفوظ.

أما الدور الثاني، فبيضم جناح للأوسمة والشهادات اللي حصل عليها محفوظ، وجناج تاني فيه متعلقاته الشخصية مع بعض الأوراق بخط إيده، ده غير قاعة المؤلفات اللي بتضم جميع أعمال نجيب محفوظ بطبعاتها القديمة والحديثة إضافة إلى الأعمال المترجمة إلى جانب قاعة للسينما وقاعات تانية بتحمل أسماء من عالم نجيب محفوظ زي، الحارة، رثاء، أحلام الرحيل، أصداء السيرة، تجليات، ونوبل.