The Definitive Guide to Living in the Capital , Cairo , Egypt

مصر بلد عظيمة وغنية بالآثار، ودي حقيقة العالم كله معترف بيها، ودائمًا كل متحف على أرض مصر بيكون فيه قطعة معينة بتكون مميزة جدًا، وليها تاريخ وقيمة كبيرة، على سبيل المثال بيحتوي متحف التحنيط بالأقصر على مئات الكنوز الأثرية، لكن من ضمن الكنوز دي فيه قطعة مميزة جدًا، وهي مومياء “ماسحرتي”، اللي هتحس برهبة وانبهار كبير لو قررت تزور المتحف وتقف قصادها.

تعالوا نتعرف أكتر على 5 معلومات عن مومياء “ماسحرتي” العظيمة!

 

1 – بتعتبر مومياء “ماسحرتي” من أهم القطع الأثرية بمتحف التحنيط بالأقصر، وهي موجودة في الطرف الجنوبى من صالة العرض الرئيسية، و”ماسحرتي” هو ابن الملك بانجم من الأسرة 21، وكان كبير كهنة آمون بطيبة وقائد عظيم للجيش.

2 – اكتشف المومياء عالم المصريات الفرنسي الشهير جوستاف ماسبيرو سنة 1881م، ضمن المومياوات الملكية اللي اكتشفت بخبيئة الدير البحري بطيبة الغربية وقتها.

3 – بتمثل المومياء دي عصر الكمال في فن التحنيط اللي بلغ قمة مجده في عصر الأسرة 21، والمومياء فى حالة جيدة من الحفظ، وبتكشف المومياء كتير عن مظهر “ماسحرتي” وقت موته، على سبيل المثال بنعرف منها إنه كان بدين الجسد عند وفاته ورأسه غليظة ومنتفخة ووجهه كان مدهون بالغراء الأحمر والأيدي ممتدة إلى منطقة الحوض.

4 – بيظهر في المومياء كمان، وبالتحديد في الأصبع الأوسط من اليد اليمنى، غطاء ذهبي، أما الجسد نفسه فبيظهر سليم وتم لفه بلفائف مشربة بالراتنج وكانت بتضم بعض المجوهرات.

5 – غطاء التابوت والمومياء مزينين بمشاهد جنائزية، وتوفى “ماسحرتي” وهو صغير، وبالتحديد في العام الـ 25 من حكم والده.

عنوان متحف التحنيط: كورنيش النيل، الأقصر.