محمية وادي سنور.. جمال عالمي على أرض مصر
Mohammed Sabry
على بعد 200 كيلومتر من القاهرة، و70 كيلومتر شرق مدينة بني سويف، تقع واحدة من أجمل المحميات الطبيعية على الإطلاق في الصحراء الشرقية، محمية كهف وادي سنور.
كهف وادي سنور هو واحد من الكهوف النادرة جدًا، واللي مفيش زيه في أي مكان في العالم غير في ولاية فيرجينيا في الولايات المتحدة الأمريكية. وده بسبب التكوينات الصخرية اللي اتشكلت فيه بمرور ملايين السنين. واتحط على خريطة مصر السياحية على أساس أنه كهف طبيعي تكون نتيجة عوامل الإذابة للحجر الجيري الأيوسيني، المتواجد في منطقة جبل سنور شرق النيل ببني سويف.
تم إعلان المحمية رسميًا كمحمية طبيعية سنة 1992، بالقرار رقم 1204 الصادر من مجلس الوزراء. بعد سنة من اكتشافها عن طريق عمال المحاجر، وده كان خلال تنقيبهم عن خام المرمر “الرخام المصري”.
وفي مصادر تاريخية بتقول إن الرئيس الراحل أنور السادات استخبى فترة طويلة في منطقة كهف وادي سنور، هربًا من الإنجليز. وده بعد مقتل “أمين عثمان” اللي كان بينادي بضرورة بقاء الاحتلال.
الوصول للمحمية بيكون من خلال طريق بني سويف المنيا الصحراوي، وعند قرية سنور شرق نهر النيل، في الكيلو 18، بيتم الاتجاه إلى الكهف على الطريق الصحراوي الممهد. المعروف باسم “درب الرخام القبلي”. أو ممكن من خلال الرحلات اللي بتتنظم للمحمية. وتقدر تتعرف على واحدة منهم من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
