The Definitive Guide to Living in the Capital , Cairo , Egypt

من ساعات، تم نقل “مركب الشمس”، وهو قارب مصري قديم من عهد قدماء المصريين، لموقعه الجديد في المتحف المصري الكبير في الجيزة بالقرب من ميدان الرماية وأهرامات الجيزة، والمقرر افتتاحه السنة دي في حفل متوقع يكون أسطوري.

تعالوا نتعرف على 5 معلومات عن مركب الشمس اللي تم نقلها باستخدام الآلات الثقيلة لمعرضها الدائم الجديد، علشان لما تزوروها تبقوا عارفين حكايتها.

1 – بيبلغ عمر المركب الكبير للملك خوفو أكثر من 4500 سنة، وتم اكتشافه بشكل سليم سنة 1954.

2 – بتقول النظرية إن السفينة – اللي بتوصف بمركب الشمس- الهدف منها السماح للملك خوفو بالسفر للسماء بعد وفاته.

3 – تم اكتشاف السفينة في الهرم الأكبر في الجيزة، واللي بناه الملك خوفو.

4 – مركب الشمس هي أكبر وأقدم قطعة مصنوعة من الخشب في تاريخ البشرية.

5 – الملك خوفو – اللي بيُعتقد أنه حكم بين 2589-2566 قبل الميلاد – كان معروف عند الإغريق باسم كيوبس.